प्रवेशमान व पवित्रमान एकल सांगीतिक सनिल

येँ – नांजाःपिं म्येँ हालामिपिं प्रवेशमान शाक्य व पवित्रमान शाक्यया कन्हय् एकल सांगीतिक सनिल जूवनाच्वंगु दु । नेपाःया सांगीतिक ख्यलय् अमर संगीत साधक कथं कयातःम्ह मदुम्ह पन्नकाजी शाक्यया कायपिं प्रवेश व पवित्रमानं ज्याझ्वलय् म्हतिं न्हय्पु न्हय्पु म्येँ न्ह्यब्वइगु जुयाच्वंगु दु ।

थः अबु पन्नाकाजीया लुमन्तिइ न्ह्यब्वयेत्यंगु सांगीतिक ज्याझ्वलय् थः अबु नांजाःम्ह म्येँ हालामि नापं संगीतकार पन्नकाजीया लोकंह्वाःगु ‘तिरिरि मुरली बज्यो, बनैमा…’ निसें कयाः पवित्रमानया थःगु हे लोकंह्वाःगु ‘कति बस्छ्यौ ओढी लाजको घुम्तो’, ‘उन्नत राखौं देशको शिर’ प्रवेशमानं ‘लाउन त प्रित लाइदियौ’, ‘जिन्दगीमा तिमीलाई नै रोजें’ लगायतया म्येँ न्ह्यब्वइगु जूगु दु ।

उगु हे ज्याझ्वलय् म्येँ हालामि पवित्रमानया एकल सांगीतिक देछा ‘धरातल’या नं पितब्वज्या जूवनाच्वंगु दु । कन्हय् येँयाःपुन्हिया न्हिकुन्हु लाकाः थनया राष्ट्रिय नाचघरय् जुइत्यंगु उगु ज्याझ्वलय् वय्कःपिंत झिंन्याम्ह संगीतकःमिपिंसं थीथी वाद्यवादनय् साथ बियादीत्यंगु दु ।