पपुवा न्युगिनीयात बुकाः नेपाःयात उपाधी

येँ (नेपालभाषा टाइम्स)÷ पपुवा न्युगिनयात पराजित यासें नेपालं टी–२० त्रिकोणात्मक शृङ्खला त्याकूगु दु । त्रिवि मैदानय् सोमवाः जूगु फाइनल कासाय् दीपेन्द्र सिंह ऐरीं शानदार प्रदर्शन यायेवं नेपाः ५० रनं त्याःगु खः । ऐरीं नेपाःया निंतिं ५४ रन दयेकेगु लिसें प्यंगू विकेट नं काःगु खः ।

न्हापांगु ब्याटिङ याःगु नेपालं ऐरी थ्वाःगु ५४ रन सहित १६८ रन दयेकूगु खः । लिसलय् ब्याटिङ याःवःगु पपुवा न्यूगिनीया प्यंगू विकेट ऐरीं हे कायेवं प्रतिद्वन्द्वी टिम १६.१ ओभरय् ११८ रनय् सीमित जूगु खः । ऐरी टि–२० अन्तर्राष्ट्रिय कासाय् १,००० रन दयेकूम्ह न्हापां नेपाली कासामि नं जूगु दु । सोमवाः जूगु कासाय् २१ रन थ्वायेवं ऐरीया १००० रन पूवंगु खः ।

पपुवा न्यूगिनीया तेज बलर सेमो कामियां सुरुइ हे नेपाःया स्वंगू विकेट कयाः नेपाःया ब्याट्सम्यानतय्त तच्वःगु दबाब बिउगु खः । न्यागू विकेट वंबलय् नेपाः मुक्कं ८२ रनया स्थितिइ दुगु खः । ऐरीं धाःसा थःगु शानदार प्रदर्शन यायेगु झ्वलय् खुगूगु विकेटया निंतिं ३२ रनया साझेदारी याःगु खः । १२ बलय् १५ रन दयेकाः आरिफ आलम आउन जुइधुंकाः वःम्ह करण केसीं ऐरीलिसे जानाः सुध्रिढ ब्याटिङ यायेवं नेपाःया स्कोर बांलानावःगु खः । केसीं १२ बलय् ५ चौका व छगू छक्का थ्वासें अविजित ३३ रन दयेकूगु खः ।

सम्बन्धित बुखँ

LEAVE YOUR COMMENTS