
येँ- नेपालय् जुयाच्वंगु झिंस्वक्वःगु दक्षिण एशियाली कासा (साग) म्हिगः मंगलवाः औपचारि क रुपं क्वचाल । येँया दशरथ रंगशालाय् म्हिगः जूगु फुटबलया फाइनल कासा लिपा भव्य समापन समारोह यासें साग क्वचाःगु खः । साग समापन समारोहय् प्रधानमन्त्री केपी ओलीं भिडियो कन्फरेन्सपाखें सम्बोधन यासें सकलें कासामि, कासाह्यःमिपिंत भिंतुना दे छायादीगु खः। थःगु सम्बोधनय् प्रम ओलीं साग कासा सफलतापूर्वक क्वचाःगुलिं लसता प्वंकुसें दक्षिण एशियाया मिनि ओ लम्पिक धाइगु थ्व कासाया तःधंगु महत्व दुगु खँ धयादीगु खः ।
समापन समारोहय् नं सहभागी फुक्कं देय्या कासामिपिंसं थःथःगु देय्या ध्वाँय् ज्वनाः मार्चपास याःगु खःसा थीथी साँस्कृतिक ज्याझ्वः नं न्ह्यब्वःगु खः । समारोहया अन्तय् आतिशवाजी याःगु खः ।
वंगु मंसिर १५ गते निसें सुरु जूगु झिंस्वक्वःगु सागय् नेपाः ५१ गू स्वर्ण त्याकाः पदक धलखय् लिउ लाःगु दु । नेपालं ५१ गू स्वर्णसहित ६० गू र जत व ९५ गू कास्य यानाः २०६ गू पदक त्याकूगु खः । भारत न्ह्याबलें थें दकलय् अप्वः पदक त्याकूगु देय् जुल । भारतं १७४ गू स्वर्ण, ९३ गू रजत व ४५ गू कास्य यानाः ३१२ गू पदक त्याकूगु खः ।
नेपालं ३५ दँया दक्षिण एशियाली खेलकूद इतिहासय् ५१ गू स्वर्ण त्याकूगु न्हापांखुसी खः । थ्वयां न्ह्यः दकलय् अप्वः च्याक्वःगु सागय् ३१ गू स्वर्ण त्याकाः पदक धलखय् लिउ लाःगु खः । नेपालं तेक्वान्डोय् झिंनिगू, कराते य् झिगू, उसुइ न्यागू, साइकलिङ व स्वीमिङय् प्यंगू प्यंगू, बक्सिङ व एथले टिक्सय् स्वंगू स्वंगू, ट्रायथोलनय्, भारत्तोलन, गल्फ व जुडोय् निगू निगू लिसें कुस्ती व फुटबलय् छगू छगू स्वर्ण त्याकूगु खः । स्वीमिङया गौरिका सिंह नेपाःया दकलय् सफल कासामि जूगु दु । गौरिकां स्वीमिङय् प्यंगू स्वर्ण त्याकाः छगू हे सागय् प्यंगू स्वर्ण त्याकेगु कीर्तिमान नं तःगु खः ।
LEAVE YOUR COMMENTS