भेट्रान कलाकारतय् लाइभ कन्सर्ट

येँ – मोहनिया झालय् तसकं लिमना च्वंपिं दर्शकपिंत शुक्रवाः पुलांपिं लोकंह्वाःपिं पप गायक गायिकापिंंसं तनाव ल्वःमंक न्ह्यइपुक प्याखं हुइकाबिउगु दु ।ताहाचल पुचःया ग्वाहालिया निंतिं शुक्रवाः जूगु लाइभ कन्सर्टय् भीम तुलाधर, संजय श्रेष्ठ थेंज्याःपिं पुलांपिं भेट्रान म्येँ हालामिपिनि न्ह्यःने दर्शकत मज्जा झुमे जुल ।

विशालबजारय् च्वंगु सासा ब्यांक्वेटय् जूगु ज्याझ्वलय् लोकंह्वाःपिं गायक गायिकापिं भीम तुलाधर, संजय श्रेष्ठ, बबिन प्रधान, जेम्स प्रधान, प्रवेशमान शाक्य, सचिन रौनियार, किरण खड्गी लसता जोशी, रवि रिमाल सुरेश मानन्धर, रविन महर्जन, बबिता महर्जनपिंसं थीथी म्येँ न्यंकाः स्वकुमिपिंत प्याखं हुइकूगु खः ।

म्येँ हालिपिनि निंतिं ब्याक ब्याण्डय् भुपेन्द्र वज्राचार्य, ज्योति घिमिरे, प्रवीण मानन्धर, मानिकमान सिंह व रुपम सिं गुरुङपिंसं साथ बिउगु खः । बहनीया बेलिसहित जूगु कन्सर्टय् ड्याड सन एण्ड मम पुचःया सविन शाक्य, आर्यम नकःमि व सपना शर्मां स्टाय्ण्ड अप कमेडी नं न्ह्यब्वःगु खः ।

नेपालभाषा टाइम्स

च्वमिया मेमेगु

• झीगु सःया निसःब्व थ्यन, निम्ह संचारकःमि सम्मानित
• बालेनया जय जयकार सुनियोजित धइगु पुष्टि
• यँयाःयात झःझः धायेकीम्ह पुलुकिसि
• कन्हय् महाकविया किपा बग्गीइ तयाः चाःहीकीगु
• राजदूतया खँय् नेकां–एमाले ल्वापु