दाहाल–नेपाल २० मिनेट फोन वार्ता – मिले जुइगु बाहेक विकल्प मदु

येँ – पार्टीयात प्रधानमन्त्री लिसें अध्यक्ष केपी ओलीं थः याकःचां चले यात धकाः तम्वयादीम्ह वरिष्ठ नेता माधव नेपालयात म्हिगः सिंगापुर वनाच्वंम्ह मेम्ह अध्यय पुष्पकमल दाहालं टेलिफोन यानाः ह्ययेकादीगु खँ सीदुगु दु । तम्वयाच्वंम्ह नेपालयात फोन यासें अध्यक्ष दाहालं पार्टी दुने छता निता खँय् त्रुटि जूगु खःसां थ्व इलय् मिले जुयाः न्ह्याः वनेगु बाहेक मेगु विकल्प मदु धासें आःयात संयम जुइत इनाप यानादीगु खँ पार्टी सूत्रं धाःगु दु ।

नेता नेपालं ‘देश डुबे जुइन, बचे याइम्ह माझी सु दु’ धकाः सदनय् न्ववायेगुया नापनापं बिस्कं हे स्थायी समितिया बैठक सःताः थःगु खँ समेत तयादीधुंकूगु दु । थःगु धापू तयेधुंकाः भाजु नेपाल थः नं म्हिगः चीन भ्रमणय् झाःगु दु । वय्कःयात चीन वने न्ह्यः दाहालं फोन यानाः हानं मिले जुयाः वने माली धकाः बिचाः तयादीगु खः ।

म्हिगः चीन झाःम्ह नेता नेपाल स्वन्हु लिपा प्रधानमन्त्री ओली नेपाः लिहां झाइगु न्हि कुन्हु हे स्वदेश लिहां झाइगु ग्वसाः दु ।
वय्कःपिं सकलें लिहां झायेवं स्थायी समितिया बैठक च्वनाः त्रुटि भिंकेगु जुइ धकाः दाहालं आश्वासन बियादीगु खँ धाःगु दु ।
म्हिगः दाहालं नेता नेपाललिसे २० मिनेट फोनय् खँ ल्हानादीगु खः ।

पार्टी एकीकरणया लिपा गठन जूगु थीथी प्रदेश व जिल्ला कमिटीइ थः मनूतय्त जक जक थाय् बिउगु खँय् असन्तुष्टि प्वंकुसें नेता नेपालं प्रम ओलीया आलोचना यानादीगु खः ।

सम्बन्धित बुखँ

LEAVE YOUR COMMENTS