नीम्ह मस्तय्त नेपालभाषा मचा सिरपाः

येँ – नेवाः बस्ती नेवाः स्कुल अभियानया ग्वसालय् जूगु नेपालभाषा मचा सिरपाः लःल्हाःगु दु । शनिवाः पर्यटन बोर्ड छगू ज्याझ्वःया दथुइ नर्सरी निसें न्यागू तगिं तक ब्वनाच्वंपिं नीम्ह मस्तय्त मू पाहाँ जनकवि दुर्गालाल श्रेष्ठं सिरपाः लःल्हानादीगु खः । सिरपाः म्हति न्याद्वः न्याद्वः तकाया खः ।

मचा सिरपाःया निंतिं अभियान पाखें नर्सरी निसें कक्षा ५ तकया मस्तय्त स्वंगू ब्वय् ब्वथलाः नेपालभाषा न्ह्यसः लिसः न्यनेगु, ब्वनेगु व च्वकेगु ज्या याःगु खः । थुकी नर्सरीपाखे मोर्डन न्हूजःमान तुलाधर, आकांक्षा श्रेष्ठ व प्रशन्ना श्रेष्ठं सिरपाः त्याकूगु खः । अथेहे एलकेजीइ सजोल राना, सजल महर्जन व साइरा रानामगरं सिरपाः त्याकल ।

युकेजीइ प्रणव चित्रकार, मेघना महर्जन, हान्सिका महर्जनं सिरपाः त्याकूगु । अथेहे कक्षा १ य् म्युनिख महर्जन, ओजसा महर्जनं, कक्षा २ लय् शोजल वज्राचार्य व आयशा डंगोल, कक्षा ३ य् कृशल महर्जन, सवि माली, कक्षा ४ य् रोहन महर्जन व सिरपाः महर्जन, कक्षा ५ य् प्रशान्त थोकर, गुन्जन दुवाल व लुमन्ति देशारं सिरपाः त्याकूगु खः ।

ग्लोबल नेवाः नेटवर्कया आर्थिक संयोजनय् नेपालभाषा मचा सिरपाः जूगु खः । दँय्दसं थ्व ज्याझ्वः यायेगु कथं नेटवर्कया अध्यक्ष सुनिल शाक्यया संयोजनय् थीथी देशय् च्वनाच्वंपिं नेपाःमिपिंसं अक्षयकोषया निंतिं दां तयाबिउगु खः ।