ताम्रकार फुटसलया फाइनल शनिवाः

यल – ताम्रकार समाजया ग्वसालय् न्ह्यानाच्वंगु स्वक्वःगु ताम्रकार फुटसल कासा–२०७५ या सेमीफाइनलया समीकरण पूरा जूगु दु । वंगु शनिवाः जूगु स्वंगूगु व प्यंगूगु चरणया कासा लिपा बगलामुखी फर्निचर्स, साहिल मेटल क्राफ्ट, फोरेगो फाइटर्स व करुणामय मेटल क्राफ्ट सेमीफाइनलय् थ्यंगु दु ।

शनिवाः जूगु निगुलिं चरणया कासाय् फोरेगो व ललितपुर जिल्ला खेलकुद विकास समितिं विजय प्राप्त याःगु खः । फोरेगों राइट एण्ड एशोसियसन व भैरवनाथ आइरनयात व समितिं करुणामय व राइटस्यात बुकूगु खः । स्वंगूगु व प्यंगूगु चरणया मेगु कासाय् बिके सुनचाँदी पसलं पानाचो ब्यूटी पार्लरयात, करुणामयं भैरवनाथयात बगलामुखीं पानाचोयात बुकूगु खः ।

वंगु भदौ २३ गतेनिसें न्ह्याःगु स्वंगूगु संस्करणया थुगु कासाया सेमीफाइनल व फाइनल कासा वइगु असोज ६ गते शनिवाः जुइ । उकुन्हु हे मिसातय्गु खुल्ला व अण्डर १४या कासा नं जुइगु ग्वसाः खलकं जानकारी बिउगु दु ।