कार्तिक १९य् ताम्राकार फुटसल

यल (नेपालभाषा टाइम्स)÷ ताम्राकार समाजपाखें न्ह्याका वयाच्वंगु फुटसल धेंधेंबल्लाः थुगुसी वइगु कात्तिक १९ गते व २६ गते निन्हुयंकं सानेपाया फिल्ड फुटसलय् जुइगु जूगु दु ।

यलया थीथी जातीय खलःतय्सं ब्वति काइगु थ्व धेंधेंबल्लाः थुगुसी न्याक्वःखुसी जुइत्यंगु खः । द ब्रिटिस कलेजया मू प्रायोजनय् न्याक्वःगु ताम्राकार फुटसल जुइत्यंगु खः । अथेहे धेंधेंबल्लाखय् ब्वति काःगु हरेक टिमयात छगू छगू उद्योगी, व्यावसायिक संगठनं प्रायोजन याःगु दु । थुगुसी विके सुनचाँदी पसल, भैरवनाथ आइरन इन्डष्ट्रि, दिल ह्याण्डीक्राफ्ट, मेड्समार्ट फार्मेसी, श्री नन्द मिठाइ भण्डार, आर्ट फेसन नेपाल, ओरियन इलेक्ट्रिकल, टेकम्याक्स डिजिटल सोलुसनं टिमया प्रायोजन याःगु दु ।

धेंधेंबल्लाखय् न्हाप व ल्यू लाःगु टिमयात ट्रफि, मेडल लिसें नगद पुरस्कार बीगु खँ समाजं छगू विज्ञप्ति पिथँसें धाःगु दुसा धेंधेंबल्लाःया निंतिं च्यागू लाख खर्च जुइगु अनुमान दु । थ्व धेंधेंबल्लाःया झ्वलय् अण्डर १४, मिस्तय् खुल्ला व भेट्रान टिमं नं कासा म्हितीगु जूगु दु ।