झिगू जिल्लाय् अत्याधुनिक प्रहरी चौकी

येँ – प्रदेश नं. ३ या झिगू जिल्लाय् ६१ गू अत्याधुनिक प्रहरी चौकी दयेकीगु जूगु दु । प्रदेश नं ३ य् दुथ्यानाच्वंगु झिंस्वंगू जिल्लामध्ये झिगू जिल्लाय् अत्याधुनिक प्रहरी चौकी दयेकेत्यंगु खः । करिब छगू अर्ब १३ गू करोड लागतय् थीथी झिगू जिल्लाय् उगु प्रहरी चौकी दयेकेत्यंगु खः ।

प्रदेश नं. ३ या आन्तरिक मामिला तथा कानुनमन्त्री शालिकराम जम्कट्टेलया कथं स्वनिगःया स्वंगू जिल्ला बाहेकं दक्वं जिल्लाय् अत्याधुनिक प्रहरी चौकी दयेकेत्यंगु खः । वय्कलं धयादीकथं द्वाल्खा, मकवानपुर व सिन्धुलीइ गुंगू–गुंगू, काभ्रेपलाञ्चोकय् व रामेछापय् च्यागू–च्यागू, चितवन, धादिङ, नुवाकोट व रसुवाय् प्यंगू–प्यंगू व सिन्धुपाल्चोकय् निगू यानाः ख्वीछगू प्रहरी चौकी दयेकेत्यंगु खः ।

संघीय प्रहरी ऐन निर्माण जुइ मफयाच्वंगु अवस्थाय् चालु आर्थिक दँया निंतिं फ्यानातःगु बजेट खर्च जुइगु अवस्थाय् मदयेवं प्रदेश सरकारं उगु बजेट प्रहरी चौकी निर्माणय् खर्च यायेत्यंगु खः । प्रहरी भवन निर्माण यानाः बजेट सदुपयोग यायेगु लक्ष्यलिसें विनियोजन यानागु वय्कलं धयादिल । प्रहरी चौकी निर्माण लिपा वइगु दिनय् प्रहरीयात थःगु कार्य सम्पादन यायेत सहज जुइगु विश्वासं प्रदेश सरकारं थुगु योजना न्ह्यःने हःगु खः ।

सम्बन्धित बुखँ

LEAVE YOUR COMMENTS