गोपनीयताया हकसम्बन्धी विधेयकय् नेफेजया असन्तुष्टि

येँ – नेपाल वातावरण पत्रकार समूह (नेफेजं) सरकारं आः नकतिनि संसदय् प्रस्तुत याःगु गोपनीयताया हकसम्बन्धी विधेयकया छुं छुं प्रावधानयात कयाः असन्तुष्टि प्वंकूगु दु । नेफेजं वंगु भदौ १ गतेनिसें लागू जूगु मुलुकी फौजदारी (संहिता) ऐन २०७४, मुलुकी देवानी संहिता २०७४ व हालय् संसदय् प्रस्तुत याःगु विधेयकया छुं प्रावधानयात कयाः असन्तुष्टि प्वंकूगु खः ।

मानवअधिकारया विश्वव्यापी घोषणापत्र, राजनीतिक व नागरिक अधिकार सम्बन्धी अभिसन्धि व नेपालं ल्हाःचिं तःगु मेमेगु सन्धि, सम्झौताया मर्म अःखः प्रेस स्वतन्त्रतायात सीमित याइगु गुगुं नं ऐन, कानुन व नीति स्वीकार मजुइगु नेफेजं जारी याःगु विज्ञप्तीइ धयातःगु दु । लिसें नेफेजं जारी याःगु विज्ञप्तीइ अपराध संहिताया छुं छुं दफाय् न्ह्यथनातःगु प्रावधानं प्रेस स्वतन्त्रतायात गम्भिर लिच्वः लाकीगु जूगुलिं उकियात तत्काल भिंकेत नं माग यानातःगु दु ।

सम्बन्धित बुखँ

LEAVE YOUR COMMENTS