तरकारी बजाः बन्द

येँ – कालिमाटी तरकारी बजारया तरकारी फलफूल थोक बजार व्यवसायिक संस्थाया अध्यक्ष भरतप्रसाद खतिवडायात ज्वना यंकूगु विरोधय् म्हिगःनिसें तरकारी बजाः अनिश्चितकाल तकया लागिं बन्द जूगु दु ।

तरकारी बजाः दुने अनुगमनय् वःपिं सरकारं अधिकारीतय्सं अन मी हयातःगु तरकारीया बील मदुगु द्वपं बिसें व्यापारीतय्त ज्वनेगु ज्या यायेवं अन कचवं जूगु खः ।

व्यापारीतय्सं तरकारीजन्य वस्तुया बिल बिजक थेंज्याःगु भ्वं दइ मखु धायेवं अनुगमनकारीतय्सं किसानतय् तरकारी हे नियन्त्रणय् कायेवं अध्यक्ष खतिवडां उकिया प्रतिकार याःगु खः । वयां लिपा वय्कःयात हे अनं ज्वना यंकूगु खः ।

तरकारी व्यवसायीतय्सं खतिवडायात त्वःता महःतले कालिमाटी तरकारी बजाः बन्द यायेगु धासें हडताल याःगु खः । थुकिं यानाः तरकारी न्याः वइपिं मनूत अन्यौलग्रस्त जूगु खः ।