ख्वपया मेधा मावि उत्कृष्ट सामुदायिक विद्यालय

ख्वप – शिक्षा विज्ञान तथा प्रविधि मन्त्रालयया वार्षिक मूल्यांकनय् थनया तेखापुलिइ च्वंगु मेधा माध्यमिक विद्यालय देय्या हे उत्कृष्ट विद्यालय जुइत सफल जूगु दु । मन्त्रालयं याःगु वार्षिक मूल्यांकनय् मेधा मावि सामुदायिक विद्यालयपाखे देय्न्यंकंया विद्यालयमध्ये उत्कृष्ट जुइत सफल जूगु खः ।

शिक्षा मन्त्रालय अन्तर्गतया शिक्षा तथा मानव श्रोत विकास केन्द्र सानो थिमियाकथं देय्या हे उत्कृष्ट विद्यालय जुइत सफल मेधा माध्यमिक विद्यालययात ४० क्वःगु राष्ट्रिय शिक्षा दिवस व ५३ क्वःगु अन्तर्राष्ट्रिय साक्षरता दिवसया लसताय् लाकाः पुरस्कृत याइगु जूगु दु । मन्त्रालयं याःगु मूल्यांकनय् मेधा माविं कुल ९० दशमलव १ अंक हयाः न्हापांगु थासय् लायेत सफल जूगु खः ।

निगूगु थासय् गुल्मीइ च्वंगु रेसुंगा मावि लाःगु दु । रेसुंगां ८६ दशमलव ३४ अंक हःगु खःसा येँया ल्हुतिइ च्वंगु तरुण मावि ८६ दशमलव ३२ अंक हयाः स्वंगूगु थासय् लायेत सफल जूगु दु । मेखे संस्थागत विद्यालयपाखे रिलायन्स इन्टरनेशनल एकेदेमि कपन न्हाप लाःगु दुसा निगूगु थासय् नेपाल प्रहरी माध्यमिक विद्यालय सांगा व स्वंगूगु थासय् भ्याली भ्यू इंग्लिश स्कुल न्हू बानेश्वर लाःगु दु ।

मन्त्रालयं सामुदायिक विद्यालयपाखे झिगू तगिंया परीक्षाफल व गुंगू तगिंया विद्यार्थी रजिष्ट्रेशनया लिधंसाय् मूल्यांकन याःगु खः ।
माध्यमिक शिक्षा उत्तीर्ण परीक्षापाखे झिंनिगू तगिं तक संचालन जूगु विद्यालयय् पोखराया अमरसिंह मावि, मोरंगया सुकुना मावि व पर्वतया भवानी विद्यापीठ छसिकथं न्हाप, लिउ व लियांलिउ लाःगु दु ।

सम्बन्धित बुखँ

LEAVE YOUR COMMENTS