ख्वपय् पर्यटकतपाखें २४ करोड
ख्वप – ख्वप नगरपालिकां वंगु आर्थिक दँ २०७४-७५य् पर्यटन शुल्क पाखें जक २४ करोड १४ लाख ४१ हजार तका आम्दानी याःगु दु । उगु दँय् ख्वपय् चाःहिलेत निगू लाख २७ हजार ६१४ म्ह पर्यटक वःगु खः । थुपिं हे पर्यटकतय् पाखें ख्वप नगरपालिका पाखें पर्यटन शुल्क म्हःगु खः ।
वंगु दँय् चीनलिसे दक्षिण एशियापाखें ९९ हजार ९८० म्ह व स्वंगूगु मुलुकं छगू लाख २७ हजार ६३४ म्ह पर्यटकत ख्वपय् दुहां वःगु खँ ख्वप नपाया पर्यटन सुचना केन्द्र प्रमुख दामोदर सुवालं कनादिल ।
नगरपालिकां चीन लिसें दक्षिण एशियाली देय्या पर्यटकतय्के न्यासः तका व स्वंगूगु मुलुकया पर्यटकतय्क झिंन्यासः तका म्हयेगु यानाच्वंगु दु ।
ख्वप नगरपालिकां २०५० साउन ६ गते निसें पर्यटकतय् पाखें शुल्क म्हयेगु सुरु याःगु खः । न्हापां शुल्क कायेगु सुरु याःबलय् स्वंगूगु मुलुकयापिंके ५० तका कायेगु याःगु खः । थ्वयां स्वदँ लिपा थुकी न्यादुगं अप्वयेकाः ५ डलर वा नेपाली स्वसः तका कायेगु सुरु याःगु खः । अथेहे २०५४ पुस निसें चीन व दक्षिण एशियाया पर्यटकतय्पाखें नं ३० तका शुल्क म्हयेगु सुरु याःगु खः ।
LEAVE YOUR COMMENTS