ने. सं. ११४६ बछलागा तृतीया -

ख्यालि न्हिली

कलाःभाःत निम्हं च्या त्वँत्वं पत्रिका स्वयाच्वन निम्हेसियां छगू हे बुखँय् मिखा वन । शीर्षक खः ‘भारतया प्रम मोदी छन्हुं हे स्वंगू देय् चाःहिला वल’
बुखँया शीर्षक स्वस्वं कलाःम्हं भाःतयाके न्यन– ‘व भारतया प्रम मोदी गथे यानाः छन्हुं हे स्वंगू देय् चाःहिला वल जुइ ?’
‘यदि कलाःनापं मंत धाःसा छन्हुं हे मस्को, कोलम्बो व वाशिंगटन नं चाःहिला वये फइ’– भाःतम्हं लिसः बिल– ‘मखुसा शपिंग मलय् हे बहनि जुइधुंकी …… !’
ह्ह्ह्
सन्ता ः बन्ता, छिमि कलाः ला तसकं हे बांलाः । विश्व सुन्दरी थें च्वं हँ खःला ?
‘न्हापां ला जिं नं थ्व हे विचाः यानागु’– बन्तां धाल– ‘तर गबलेनिसें जिं छिमि कलाःयात खन, जिगु विचाः हे हिल !’