नेपाःया बन्दीतय्त थाइ बन्दीतय् उपहार
येँ – थाइल्याण्डया थीथी जेलय् बन्दी जीवन हनाच्वंपिं कैदीतय्सं दयेका तःगु भगवान बुद्धया मूर्ति नेपाःया थीथी जेलय् कुनातःपिं कैदीतय्त उपहार कथं लःल्हायेत्यंगु दु ।
थ्वहे वइगु शनिवाः स्वनिगःया सेन्ट्रल जेल, भद्र बन्दीगृह, महिला जेल, नख्खु जेल व डिल्ली बजार सदरखोर समेत यानाः च्यागू मूर्ति लःल्हायेत्यंगु खः । थनया बौद्ध शिक्षा तथा सामाजिक विकास केन्द्रया पहलय् थ्व मूर्ति लःल्हायेगु ज्या जुइत्यंगु खः । उकिया लागिं जेलय् अनुमति कायेधुनागु खँ केन्द्रया नायः विजय तुलाधरं कनादिल ।
थाइल्याण्डं नेपाःयात ३ फिट तःधिकःपिं थ्व बुद्ध मूर्ति ४० गू उपहार स्वरुप छ्वया हःगु खः ।
LEAVE YOUR COMMENTS