पाकिस्तानय् ९९म्ह यात्रु दुगु विमान दुर्घटना

बीबीसी – पाकिस्तानया कराँची शहरय् विमान दुर्घना जूगु दु । लाहोरं ९९म्ह यात्रुत व विमानया दुजःत सहित कराँची वनाच्वंगु पाकिस्तान एयरया पीके ८३०३ नम्बरया एयरबस ए३२० शुक्रवाः न्हिनय् दुर्घटना जूगु खः ।

कराँचीया जिन्हा अन्तरर्राष्ट्रिय विमानस्थल स्वयां छुं किलाेमिटर थुके मनूतय् घना वस्ति दुगु थासय् दुर्घटना जूगु खः । दुर्घटनाय् लानाः म्हाेतिं नं ११म्ह सीगु खँ अनया प्रान्तिय स्वास्थ्य मन्त्रीं जानकारी बिउगु दु । तर सीपिनि ल्याः अझ अप्व जुइफुगु खँ धाःगु दु । घटनास्थलय् पाकिस्तानी सेनया पुचलं उदार यायेगु ज्या यानाच्वंगु दु ।

पाकिस्तानय् कोरोना भाइरसया संक्रमणया कारणं छवाः न्ह्यः जक छुंछुं विमानत चले यायेगु अनुमति बिउगु खः ।

सम्बन्धित बुखँ

LEAVE YOUR COMMENTS