यातायात समितिया सम्पत्ति सरकारी मातहतय् हे

येँ – थीथी यातायात समिति व यातायात लिसे सम्बन्धीत संघ संस्थातय् नाम दुगु बैंक खाता व चल अचल सम्पत्ति समिति व संघसंस्थातय्त लित मबीगु जूगु दु । यातायातय् सिन्डिकेट तोडे यायेगु निंतिं सरकारं रोक्का यानातःगु थज्याःगु खाता व सम्पत्ति सरकारया हे मातहतय् तयेगु निर्णय याःगु दु ।

थज्याःगु खाताया संचालन आः गृह मन्त्रालयया समन्वयय् भौतिक पूर्वाधार तथा यातायात मन्त्रालयं याइगु जूगु दु । समितितय् खाता रोक्का जुयाच्वंगुलिं दुर्घटनाय् घाःपाः जूपिंत उपचार खर्च बीगु, कर्मचारीतय्त तलब बीगु, मत, लःया तकं ध्यबा पुले मफयाच्वंगु खँ यातायात समितितय्सं धयाच्वंगु दुसा सरकारं आः थज्याःगु ध्यबा भुत्तानी यायेगु निंतिं सरकारी निकायलिसे समन्वय यायेत भुक्तानी यायेत धाःगु दु ।

दुर्घटनाय् घाःपाः जूपिंत व मेमेगु भुक्तानी यायेत सरकारी निकायलिसे समन्वय यानाः भुक्तानी यायेत निर्देशन

थज्याःगु भुक्तानी अर्थ मन्त्रालय, नेपाल राष्ट्र बैंक व यातायात व्यवस्था विभाग लिसे समन्वय यानाः भुक्तानी यायेत धाःगु खः ।
गृह मन्त्रालय व भौतिक पूर्वाधार तथा यातायात मन्त्रालयया सचिवस्तरी बैठकं रोक्का यानातःगु सम्पत्ति सरकारी मातहतय् हे संचालन यायेगु निर्णय याःगु खः ।

थ्वयां न्ह्यः सरकारं सिन्डिकेट चिइकेत समितितय्त तयातःगु प्रतिबन्ध नं फुकुवा यानाः थज्याःगु समिति नविकरण यायेत्यंगु खँ पिहां वयाच्वंगु खःसां उगु बैठकं समिति नविकरण मयायेगु पुलांगु हे निर्णय कायम हे यानातयेगु नं क्वःछिउगु खः ।

सम्बन्धित बुखँ

LEAVE YOUR COMMENTS