नेप्से दोहोरो अंकं कुहां वल

येँ – धितोपत्र बजारय् म्हिगः शेयरया भाः दोहोरो अंकं कुहां वंगु दु । नेपाल स्टक एक्सचेन्जया कथं कारोवार मापक नेप्से परिसूचक १७.७३ अंकं कुहां वनाः ११३०.६३ थ्यंगु दु । अथेहे ‘क’ वर्गया कम्पनीया कारोबार मापन याइगु सेन्सेटिभ परिसूचक ३.८९ कुहां वनाः २४०.२६ अंकय् थ्यंगु दु ।

म्हिगः मुक्कं १५६ कम्पनीया १४ लाख ४२ हजार कित्ता ४५ करोड ४६ लाखं न्यायेमीगु ज्या जूगु खः । कारोबार जूगु ११ उपसमूह मध्य व्यापार समूहया जक शेयर भाः थहां वंगु दु । उगु उपसमूह २.९६ अंकं थहां वंगु खः । बैकिङ समूह १५.५८ होटल समूह ३३.२६, विकास बैंक ११.३३, जलविद्युत १६, फाइनान्स ५.०७ अंकं कुहां वंगु दु ।