शेयरय् पूँजीगत लाभकरयात कयाः थौं सर्वपक्षीय भेला

येँ – शेयर कारोवारय् लगे जुइगु पुँजीगत लाभकर बारे सहलह यायेत थौं सर्वपक्षीय भेला जुइगु जूगु दु । हकप्रद, बोनस शेयर लगे जुइगु पुँजीगत लाभकरया विषयय् सहलह यायेत सरकारं हे सर्वपक्षीय भेला सःतूगु खः । लगानीकर्तातय् छगू प्रतिनिधि मण्डलं आइतवाः अर्थ मन्त्रालयय् वनाः राजश्व सचिव लालशंकर घिमिरेयात नापलायेधुंकाः सर्वपक्षीय भेला सःतेगु निर्णय याःगु खः ।

सचिव घिमिरें थ्व विषयय् सहलह यायेत थौं ११ बजे भेला सःतादीगु खः । थ्व भेलाय् अर्थ मन्त्रालय, नेपाल धितोपत्र बोर्ड, आन्तरिक राजश्व कार्यालय, नेपाल स्टक एक्सचेञ्ज, केन्द्रीय निक्षेप प्रणाली (सिडिएससि) लिसें लगानीकर्तातय् न्यागुलिं पुचःया प्रतिनिधिपिंसं ब्वति काइगु खँ धाःगु दु ।

लगानीकर्तातय्सं २०५८ साल निसें २०७६ साल असार मसान्त तक कारोवार जूगु शेयरया औसत मूल्य गणना यानाः व स्वयां अप्वः जूगु ध्यबाय् जक कर कायेमाः धयाच्वंगु दु । थुकियात नेप्से व सिडिएससि पाखें थःथःपिनि संचालक समितिं नं अनुमोदन याकातयेधुंकूगु दु । आः सरकार नं थुकी सहमत जुइमाःगु खँ लगानीकर्तातय्सं धयाच्वंगु दु । भेलाय् थुकी सरकारयात सहमत याकेगु निंतिं दबाब बीगु ज्या जुइ ।

सम्बन्धित बुखँ

LEAVE YOUR COMMENTS