बुखँ

येँ – अख्तियार दुरुपयोग अनुसन्धान आयोगं पशुपतिनाथ देगलय् लँुया जलहरी तःगु इलय् जूगु अनियमितता बारे छानविनयनितिं नेपाली सेनाया ग्वाहालि काइगु जूगु दु । अख्तियारं जलहरी दयेकेगु व तयेगु झ्वलय् खटे जूपिं सैनिकतय्के बयान कायेगु तयारी यानाच्वंगु दु । अख्तियारया कथं लुँया जलहरी दयेकेगु व उकियात गर्भगृहय् तयेगु झ्वलय् सेनायात सुरक्षाया जिम्मा बिउगु खःसा ज्या क्वचायेधुंकाः तयार याःगु […]

येँ- नेपाल संवत् न्हूदँ तःजिक हनेगु लागिं गठन याःगु न्हूदँ समारोह समिति–११४२ या नायः कथं नांजाःम्ह भाषासेवी निरञ्जनरत्न शाक्ययात ल्यःगु दु । बिहीवाः थनया नेपाः ब्यांक्वेटय् थीथी नेवाः खलः पुचःया प्रतिनिधितय् दथुइ जूगु मुँज्यां भाजु शाक्ययात न्हूदँ समारोह समितिया न्हूम्ह नायः ल्यःगु खः । न्हूदँ समारोह समिति–११४१ या नायः रमेश महर्जनया सभापतित्वय् जूगु उगु ज्याझ्वलय् नेवाः देय् […]

येँ -नेपाःया अतिकं नांजाःगु बुंगद्यः जात्राय् बुंगद्यःया रथ दयेकेगु ज्या यानादीम्ह भाजु दिल कुमार बाराहीयात कोरियाया झेन्जु शहरं बीगु ‘झेन्जु अन्तर्राष्ट्रिय सिरपाः’ म्हिगः लःल्हात । थुगुसी कोभिड–१९ या प्रकोपं यानाः म्हिगः अनलाइन ज्याझ्वःपाखें वय्कःयात थ्व सिरपाः लःल्हाःगु खः । थ्व सिरपाः १० हजार डलर धनराशी (आःया डलर भाः कथं ११ लाख नेरु स्वयां अप्वः) खः । लिसें थुकी […]

येँ(नेपालभाषा टाइम्स)÷क्यानाडाय् च्वंपिं नेवाःतय्गु संस्था क्यानेडियन नेवाः गुथि ‘लड्डटर्म सर्भिस अवार्ड–२०२१’पाखें सम्मानित जूगु दु । क्यानाडाया सिटी अफ ब्राम्प्टनं आः नकतिनि जक गुथियात उगु अवार्डपाखें सम्मान याःगु खः । ब्राम्प्टन सिटीया मेयर प्याट्रिक ब्राउनं क्यानेडियन नेवाः गुथिया नायः प्रकाश प्रधानयात सम्मान पत्र लःल्हानादीगु खः । क्यानेडियन नेवाः गुथिं विदेशय् च्वनाः नं नेवाः व नेपाःया संस्कृतिया संबद्र्धन, प्रवद्र्धन, समुदायमुखी […]

एजेन्सी÷ अफ्रिकाय् छगू दशकया कुतः लिपा तयार जूगु मलेरिया विरुद्धया खोपयात स्वीकृति बिउगु दु । अफ्रिकाय् मलेरियां यानाः यक्व मस्त सिनाच्वंगु खः । खोपया स्वीकृति बिइव मलेरिया विरुद्ध अभियानय् थुकियात ऐतिहासिक सफलताकथं काःगु दु । चिकित्सा क्षेत्रया तःधंगु उपलब्धिकथं थ्व खोपया निर्माणयात काःगु दु । विश्व स्वास्थ्य संगठनं अफ्रिकाया थीथी देसय् खोपया परीक्षण याःगु खः […]

एजेन्सी÷ अमेरिकाया टेक्सास राज्यय् हःगु विवादास्पद गर्भपतन कानूनयात जिल्ला न्यायाधीशं तत्कालया निंतिं लागु मयायेत आदेश बिउगु दु । कानुनया वैधानिकतायात कयाः थीथी न्ह्यसः वयाच्वंगुलिं बाइडेन प्रशासनया इनापय् जिल्ला न्यायाधीश रोबर्ट पिटम्यानं थ्व आदेश बिउगु खः । जिल्ला न्यायाधीश पिटम्यानं बिउगु आदेशकथंं वैधतायात हाथ्या बियाच्वंगु छुं नं कानून कार्यान्वयन जुइ मखु । अमेरिकाया राष्ट्रपति कार्यालयं थ्व […]