फिफा विश्वकप २०२६ : सेमीफाइनलय् थ्यंगु प्यंगू टिमया यात्रा
एजेन्सी – फिफा विश्वकप फुटबल २०२६ शुरु जुइ न्ह्यःहे थीथी कथंया कीर्तिमान तये त ताःलाःगु खः । दकलय् न्हापां स् वंगू दे शं मंकाः ग्वसाः ग्वःगु विश्वकपया रुपय् कीर्तिमान तःगु २३ औं संस्करणया विश्व फुटबलया महाकुम्भ मे ला वयां लिपा इतिहासय् न्हापांखुसी दकलय् अप्वः ४८गू देशं ब्वति काःगुया रुपय् कीर्तिमान तल ।
थनिं लछि न्ह्यः भव्य उलेज्या यानाः शुरु जूगु विश्वकप थुगुसी स्वंगू हे ग्वसाः देशय् उलेज्याया ज्याझ्वः यानाः नं कीर्तिमान तःगु खः । अथे हे मेमेगु नं आपालं कीर्तिमान थुगु संस्करणया विश्वकपं तःगु दु । थ्व स्वयां न्ह्यःतक ३२ गू देशं ब्वति कया वयाच्वंगु विश्वकपय् थुगुसी न्हापांखुसी मुक्कं ४८ गू देशं ब्वति काःगु ख । ब्वति काःगु देय्मध्ये समूह चरण, थुगुसीनिसें लागू याःगु ‘राउण्ड अफ ३२’, प्रि क्वार्टर, क्वार्टर फाइनलतक थ्यंबलय् एकसेएक उपाधि दावेदार धयातःपिं टोली विश्वकपं पिहां वने धुंकूगु दु ।
उकीमध्ये आः मुक्कं प्यंगू जक देय् विश्वकपया उपाधि त्याकेगु लँय् । थुपिं प्यंगुलिं देय् विश्वकप ल्ह्वनेगुपाखे निपलाः लिउने दु । सुनां विश्वकपया उपाधि ल्ह्वनी धइगु खँय् सकल फुटबल ह्यमिपिंके छगू कथंया कौतुहलता ब्वलनाच्वंगु दु ।
थुगु संस्करणय् विश्वकप उपाधिया निंतिं अन्तिम प्यंगुलिं दुहां वंगु दक्वं टिम पूर्व विजेता खः । उलिजक मखु, सेमीफाइनलय् थ्यंगु थुपिं प्यंगू हे टिम विश्व फुटबलया सर्वोच्च निकाय फिफाया वरियताय् शीर्षस् थानय् दु ।
सेमीफाइनलय् थ्यंगु प्यंगूमध्ये स्वंगू स्पेन, फ्रान्स, इंग्ल्याण्ड युरोपेली राष्ट्र खःसा अर्जेन्टिना दक्षिण अमेरिकी राष्ट्र खः । थुपिं प्यंगू पूर्व विजेतामध्ये अर्जेन्टिनां स्वक्वः, फ्रान्सं निक्वः, स्पेन व इंग्ल्याण्डं छक्वः छक्वः उपाधि त्याका तये धुंकूगु दु । अन्तिम च्यागूया कासाय् फ्रान्सं मोर क्को यात २–०, स्पेनं बेल्जियमयात २–१, इंग्ल्याण्डं नर्वेयात–२–१ व अर्जेन्टिनां स्वीट्जरल्याण्डयात अतिरिक्त ईया कासाय् ३–१ गोलं बुकाः सेमीफाइनलय् थाय् पक्का याःगु खः ।
सेमीफाइनल तकया यात्रा यायेगु झ्वलय् समूहया विजेता फ्रान्सं मुक्कं १० गू गोल याःगु दुसा २ गू गोल नःगु दु । समूहया कासाय् फ्रान्सं सेनेगलयात ३–१, इराकयात ३–० व नर्वे यात ४–१ गोलं बुकूगु खः । अथे हे राउण्ड अफ ३२ या कासाय् स्वीडेनयात ३–० गो लं बुकूगु फ्रान्सं अन्तिम १६ या कासाय् पाराग्वे यात १–० व क्वार्टर फाइनलय् मोरक्को यात २–० गो लं बुकूगु खः ।
स्पेनं समूह चरणय् नवप्रवेशी केप भेर्डे लिसे कडा प्रतिस्पर्धा यानाः नं गोल रहित बराबरी म्हिते माल । मेगु कासाय् साउदी अरबयात ४–० व उरुग्वे यात १–० गो लं बुकाः समूहया कासाय् छगू गोल नं मनसे मुक्कं न्यागू गोल याःगु खः । अन्तिम ३२या कासाय् अस्ट्रियायात ३–०, पोर्चुगलयात १–० व बेल्जियमयात कडा प्रतिस्पर्धाय् २–१ गोलं बुकूगु खः । सेमीफाइनलतक थ्यंगु इलय् स्पे नं ११ गोल याःगु दुसा छगू जक गोल नःगु दु ।
सेमीफाइनलय् थाय् सुरक्षित याःगु इंग्ल्याण्डं समूहया कासाय् घानालिसे गोलरहित बराबरी म्हितूगु खःसा क्रोएसियायात ४–२ व पानामायात २–० गोलं बुकाः ६ गोल यानाः २ गोल जक नःगु दु । अन्तिम ३२ या कासाय् कंगोयात २–१, अन्तिम १६ या कासाय् मेक्सिकोयात ३–२ व क्वार्टर फाइनलय नर्वे यात २–१ गोलं बुकूगु खः । इंग्ल्याण्डं आतक १३ गू गोल याःगु दुसा ६ गोल नःगु दु । इंग्ल्याण्डं नकआउटय् दक्वं विपक्षीपाखें गोल नःगु दु ।
अथे हे अर्जेन्टिनां समूहया कासाय् अल्जेरियायात ३–०, अस्ट्रियायात २–० व जोर्डनयात ३–१ गोलं बुकेगु झ्वलय् ८ गू गोल याःगु दुसा १ गोल जक नःगु दु । समूह चरणया कासा याउँक त्याकाः समूह विजेता जूगु अर्जेन्टिनायात नकआउटया कासा धाःसा उलि सहज मजुल । अन्तिम ३२ या कासा केप भेर्डे यात अतिरिक्त ईया कासाय् ३–२ गोलं बुकूगु खःसा अन्तिम १६ या कासाय् नं इजिप्ट विरुद्ध २ गोलं लिउने लानाच्वंगु अवस्थाय् स्वंगू गोल यानाः अविश्वसनीय विजय प्राप्त याःगु खः । अथे हे स्वीट्जरल्याण्ड विरुद्ध जूगु अन्तिम ८ या कासाय् नं अर्जे न्टिनां अतिरिक्त इलय् कासा त्याकाः सेमीफाइनलय् दुहां वंगु खः । अर्जेन्टिनां थ्व अवधिइ १७ गोल याःगु दुसा ६ गोल नःगु दु ।
नकआउट चरणया दक्वं कासाय् विपक्षी विरुद्ध समान ३ गोल याःगु अर्जेन्टिना सेमीफाइनलय् थ्यंगु टोली मध्ये दकलय् अप्वः स्वक्वःतकया उपाधि विजेता खःसा स्वक्वः हे उपविजे ता नं खः ।
LEAVE YOUR COMMENTS