न्हूदँ समितिया नायः निरञ्जनरत्न शाक्य

येँ- नेपाल संवत् न्हूदँ तःजिक हनेगु लागिं गठन याःगु न्हूदँ समारोह समिति–११४२ या नायः कथं नांजाःम्ह भाषासेवी निरञ्जनरत्न शाक्ययात ल्यःगु दु ।

बिहीवाः थनया नेपाः ब्यांक्वेटय् थीथी नेवाः खलः पुचःया प्रतिनिधितय् दथुइ जूगु मुँज्यां भाजु शाक्ययात न्हूदँ समारोह समितिया न्हूम्ह नायः ल्यःगु खः ।

न्हूदँ समारोह समिति–११४१ या नायः रमेश महर्जनया सभापतित्वय् जूगु उगु ज्याझ्वलय् नेवाः देय् दबूया नायः नरेश ताम्रकार व नेपालभाषा मंकाः खलःया दुजः गणेश साय्मि पाहां कथं झाःगु खः । नेपाल संवत्या न्हूदँ ११४२ हनेगु लागिं ८० म्ह दुजः दुगु न्हूदँ समारोह समिति नीस्वंगु खः ।

समितिया न्हापांगु मुँज्या थौं च्वनेत्यंगु दु । थौंया मुँज्यां न्हूदँ हनेगु लागिं माःगु थीथी उपसमिति गठन याइगु खँ धाःगु दु । थगुने कोरोना महामारीया का महामारीया कारणं न्हूदँया सांस्कृतिक ¥याली व सभा स्थगित जूगु खःसां थुगुसी स्वास्थ्य मापदण्ड पालना यानाः न्हूदँ हनेगु निर्णय जूगु दु ।

सम्बन्धित बुखँ

LEAVE YOUR COMMENTS