बुखँ

एजेन्सी- भारतया कश्मीरया श्रीनगरय् च्वंगु छगू सरकारी स्कुल दुने बिहिवाः संदिग्ध चरमपन्थीतय्सं निम्ह शिक्षकयात स्यानाबिउगु दु । सीपिं निम्ह मध्ये छम्ह स्कूलया प्रधानअध्यापक खः । पुलिसं बिउगु जानकारीकथं गोलीं लायेधुंकांः निम्हेसितं अस्पताल यंकूगु खःसा अस्पतालं उमित मृत घोषणा याःगु खः । जम्मु कश्मीरया पुलिसं छुं न्हि न्ह्यवंनिसें सर्वसाधारणयात लक्षित यानाः थज्याःगु घटना जुयाच्वंगु धाःगु दु […]

येँ-नेपाःया तःधंगु नखः मोहनि थनिंनिसें शुरु जूगु दु । झिन्हु तक न्यायेकीगु थ्व नखःया थौं न्हापांगु न्हि खः । थौं सकसियां छेँय् छेँय् नःलास्वां पीगु याइ । थनिंनिसें थीथी गुंगू पीठय् सुथन्हापां नवरथा वनेगु परम्परा दु । मोहनि झिन्हु तक माने याइगु खःसां नेवाःतय्सं अन्तिम स्वन्हुया न्हि कूछिभ्वय्, स्याक्वत्याक्व व चालंयात तःजिक न्यायेकेगु याइ ।

येँ – सरकारं थुगुसी सांसद व सांसदया पीएतय्त मोहनिया भत्ता मबीगु जूगु दु । थगुने सरकारं सांसदतय्त मोहनि भत्ता बीगु व्यवस्था याःगु खःसा उकियात कयाः तच्वकं विरोध जुइवं सांसदतय्सं थःपिंसं कायेधुंकूगु भत्ता धमाधम लित बिया हःगु खः ।संघीय संसद सचिवालयया कथं सांसद व पीएतय्त असोज महिनाया तलब धाःसा छ्वयेधुंकूगु दु । सचिवालयं धाःकथं सांसदतय्त मोहनि भत्ता बीगु नितिं […]

येँ – नेपाली कांग्रेसया नेता प्रकाशमान सिंहं कांग्रेसया नेतृत्व आः स्वनिगलं यायेमाःगु खँ धयादीगु दु । म्हिगः नेपाली कांग्रेस नागार्जुन नगर समितिं ग्वसाः ग्वःगु बधाई लिसें भिंतुना ज्याझ्वलय् थःगु बिचाः तसें नेता सिंहं उगु खँ धयादीगु खः । वय्कलं कांग्रेसया झिंप्यक्वःगु महाधिवेशनय् थम्हं सभापति पयद् उम्मेदवारी बीगु खँ धासें झिंस्वक्वःगु अधिवेशनय् थम्हं उम्मेदवारी मबिसे रामचन्द्र पौडेल व […]

येँ – नेपाल पत्रकार महासंघं श्रमजीवी पत्रकार ऐन कार्यान्वयनया माग यासें चरणबद्ध आन्दोलन न्ह्याकूगु दु । आन्दोलनया न्हापांगु न्हिं महासंघं म्हिगः येँया फिब्व ख्यलय् प्रदर्शन याःगु दु । पत्रकारतय् ताः इलंनिसें तलब मबिउगु, घटुवा यायेगु, संस्थां लिकायेगु थेंज्याःगु ज्या यानाच्वंगुलिं अज्याःगु संस्थायात दबाब बीकथं आन्दोलन शुरु याःगु खः । श्रम लिसे सम्बन्धित पारिश्रमिक कायेमखंपिं पत्रकार व उमिसं ज्या […]

येँ- प्रधानन्यायाधीश चोलेन्द्र जबरा सहभागी जूगु ज्याझ्वः वरिष्ठ अधिवक्तातय्सं बहिष्कार याःगु दु । म्हिगः सर्वोच्च अदालत बार एसोसिएसनया चियापान ज्याझ्वः वरिष्ठ अधिवक्तातय्सं बहिष्कार याःगु खः । मोहनि नखःया लसताय् म्हिगः सर्वोच्च बारं चियापान ज्याझ्वः तयातःगु खःसा उगु ज्याझ्वलय् प्रधानन्यायाधीश जबरायात मूपाहां कथं ब्वनातःगु खः । मन्त्रिपरिषद्य् भागबन्डा फ्वंगु लगायत थीथी खँया विवादय् लानाच्वंम्ह प्रधानन्यायाधीशया ज्यायात कयाः न्ह्यसः दनाच्वंगु […]