राष्ट्रिय

येँ – नेपाली कांग्रेसया तःमुँज्या जुइत आः स्वन्हु हे जक ई ल्यं दनि तर आः तक नं प्रधानमन्त्री लिसें पार्टी सभापति शेरबहादुर विरुद्ध दनीम्ह विपक्षीया उम्मेदवार सु जुइ धइगु क्वःछी फयाच्वंगु मदुनि । देउवाया विरुद्ध आः वीपी कोइराला परिवारपाखें शेखर कोइराला वा गणेशमान सिंह परिवारपाखें प्रकाशमान सिंह निम्ह मध्ये छम्ह उम्मेदवार जुइगु सम्भावना प्रवल जुया वःगु […]

येँ- थनया होल्चोय् च्वंम्ह हल्चोक आकाश भैरव देगलं आकाश भैरव द्यः खुया यंकूगु दु । मंगलबार चान्हय् १२ बजेपाखे देगलय् च्वंपिं निम्ह खुया यंकूगु खः । हल्चोक आकाश भैरव गुथिया नायः सागर पुतुवारं ‘नेपालभाषा टाइम्स’ यात कनादीकथं चान्हय् पःखाः गयाः देगलय् दुहां वःपिं न्याम्ह मनूतय्सं अन द्यनीम्ह द्यः पाःलाःयात ख्यानाः द्यः खुया यंकूगु खः । द्यः खूवःपिं न्याम्हेस्यां […]

एजेन्सी- विश्व स्वास्थ्य संगठन (डब्ल्यूएचओं) कोरोनाया न्हूगु भेरियन्ट ओमिक्रोनविरुद्ध थौंकन्हय् छ्यलाच्वंगु कोरोनाविरुद्धया खोपं ज्या याइगु खँ धाःगु दु । थुपिं खोप ओमिक्रोनपाखें संक्रमित जूसां गम्भीर अवस्था थ्यनीगु जोखिमपाखें बचे यायेत सक्षम दुगु खँ डब्ल्यूएचओं धाःगु खः । दक्षिण अफ्रिकाय् यानास्वःगु न्हापांगु प्रयोगशालाय् परीक्षणय् ओमिक्रोनं फाइजर खोपयात आंशिक रुपं छले यायेफुगु खनेदयेधुंकाः डब्ल्यूएचओं थ्व घोषणा याःगु […]

येँ -राप्रपाया म्हिगः क्वचाःगु चुनावय् पराजित जुइवं निवर्तमान नायः कमल थापां उकिया दोष पुलांम्ह जुजु ज्ञानेन्द्र शाहयात बियादीगु दु । थापां म्हिगः हे सार्वजनिक सञ्जालपाखें लगातार स्वंगू ट्विट यासें राप्रपा नेपालया चुनावय् निर्मल निवासं नांगां हस्तक्षेप याःगु धासें उकिया भत्र्सना यानादीगु खः । वय्कलं यानादीगु न्हापांगु ट्विटय् राप्रपाया चुनावय् वःगु लिच्वःयात थम्हं स्वीकार याये धासें नवनिर्वाचित नायः […]

यल- थौंकन्हय् बुंगय् तयातःम्ह बुंगद्यःयात थ्वहे वइगु षस्थि विहीवाः कुन्हु बुंगं यलय् हइगु जूगु दु । बुंगद्यः खुला बुंगय् व खुला यलय् च्वनीगु परम्परा दु । वंगु मंसिर ९ गते ज्योतिषत च्वनाः स्वःबलय् विहीवाः कुन्हु बुंगद्यःयात यलय् यंकेगु साइत पिहां वःगु खःसा वहे कथं आः विहीवाः यलय् यंकेगु तयारी जूगु खः । बुंगद्यःयात बुंगं यलय् यंके न्ह्यः बुंगय् […]

येँ- अखिल नेपाल भिक्षु महासंघया नकतिनि क्वचाःगु २४ क्वःगु साधारणसभापाखें महासंघया न्हूगु नेतृत्व ल्यःगु दु । साधारणसभां भिक्षु धर्मशोभन महास्थविरया अध्यक्षताय् निर्विरोध रुपं न्हूगु नेतृत्व ल्ययेगु ज्या याःगु खः । महासंघया मेपिं पदाधिकारीकथं उपाध्यक्ष भिक्षु शिलभद्र महास्थविर व भिक्षु सद्धातिस्स महास्थविर, महासचिव भिक्षु धर्मगुप्त महास्थविर, सचिव भिक्षु निग्रोध महास्थविर, कोषाध्यक्ष भिक्षु बोधिज्ञान महास्थविर निर्वाचित जुयाबिज्याःगु दुसा सदस्यकथं […]