राष्ट्रिय

येँ – थनया छत्रपातिइ च्वंगु जुद्धोदय माध्यमिक विद्यालयया विद्यार्थीतय्सं न्हयखा  नेवाः पहःया मौलिक नमूना छेँ दयेकूगु दु । विद्यार्र्थीतय्सं दयेकूगु नेवाः पहःया उगु मौलिक नमूना छेँया वंगु शुक्रवाः विद्यालय प्रांगणय् हे ब्वज्या नं याःगु खः । ब्वज्याय् उत्कृष्ट नेवाः नमूना छेँयात विद्यालयया प्रधानाध्यापक लक्ष्मण पौडेलं थीथी शैक्षिक हलज्वलं प्रोत्साहन स्वरुप विद्यार्थीतय्त लःल्हानादीगु खः । विद्यालयया नेपालभाषा स्यनामिपिं सृजना […]

यल – बुंगय् च्वंगु बुंगद्यःया देगः दनेगु ज्या हानं दिउगु दु । वंगु न्याला न्ह्यवंनिसें देगः दनेज्याय् अप्पा छपा हे तने मफुगु खँ बुंगद्यःया पाञ्जुपिंसं धयादीगु दु । थुगुसी बुंगद्यःया देगः दनेज्या दिउगुया कारण धाःसा थुकियात माःगु दाचि अप्पा मदयाः खः धाःगु दु । देगः दनेत नीस्वना तःगु उपभोक्ता समितिया नायः अमिर शाक्यं कनादीकथं आः देगःयात माःगु १४,००० […]

चितवन- थन जुयाच्वंगु एमालेया झिक्वःगु तःमुँज्याय् वरिष्ठ उपाध्यक्ष, महासचिव व उप– महासचिव बाहेक मेगु पदय् चुनाव जुइगु जूगु दु । एमालेया प्रमुख निर्वाचन आयुक्त विजय सुब्बाया कथं थीथी झिंखुगू पुचःया चुनावपाखें नेतृत्व ल्यइगु जूगु दु । निर्वाचन आयुक्त सुब्बाया कथं अध्यक्ष, उपाध्यक्ष व सचिव निर्विरोध मजुइगु जूगु दु । अध्यक्षय् केपी ओली व भीम रावलं उम्मेदवारी बिउगु दुसा […]

येँ-  ताःई न्ह्यवंनिसें छगू दुर्लभ ल्वचं कयाः उसाँय् मदयाच्वंम्ह माओवादी नेता वर्षमान पुनया स्वास्थ्य आः बांलाना वःगु दु । वय्कःयात बिलुरुविन नांगु तसकं म्हो जक मनूतय्त जुइगु ल्वचं कयाच्वंगु खः । थ्व ल्वचं कल कि म्ह चासुइगु, मना वइगु, बान्ता जुइगु, न्ह्यः मवइगु, नये मयइगु जुया वइ । नेपालय् मजियाः वय्कःयात थाइल्याण्डया बैंककय् वासः याका तःगु खःसा अन […]

येँ – नेपाल परम्परागत बौद्ध धर्म संघपाखें प्रव्रजित स्वास्थ्योपचार कोषया निंतिं आर्थिक ग्वाहालि लःल्हाःगु दु । थनया छुस्याबहाःस्थित गुणाकर महाविहाय् छुं दिं न्ह्यः जूगु छगू ज्याझ्वः दथुइ संघपाखें कोषया निंतिं आर्थिक ग्वाहालिकथ छगू लख तका दां लःल्हाःगु खः । बौद्ध विद्वान प्रा. डा. नरेशमान वज्राचार्यया सभापतित्वय् जूगु ज्याझ्वलय् वय्कलं हे कोषया निंतिं संघपाखें आर्थिक ग्वाहालि लःल्हानाबिज्याःगु खः । […]

येँ – नेपाल बार एसोसिएसनं प्रधानन्यायाधीश चोलेन्द्र शम्शेर जबरा बहिर्गमन जुइमाःगु धासें १७ बुँदे कारण सहितया ध्यानाकर्षण पौ एकीकृत समाजवादी पार्टीया अध्यक्ष माधव नेपालयात लःल्हाःगु दु । म्हिगः संसद सचिवालय बारं पूर्व प्रधानमन्त्री लिसें नेकपा एस संसदीय दलया नेता नेपालयात नापलानाः ध्यानाकर्षण पौ लःल्हाःगु खः । म्हिगः बारया अध्यक्ष चण्डेश्वर श्रेष्ठ, उपाध्यक्ष रक्षा बस्याल, महासचिव लिलामणि पौडेल, […]