
येँ – सामसुङ प्लाजा झिंन्यादँ क्यंगु लसताय् प्लाजा पाखें मिसा मस्तय् शिक्षाया निंतिं ग्वाहालि बिउगु दु । मंगलवाः छगू ज्याझ्वः दथुइ सामसुङ प्लाजाया निर्देशक सीमा गोल्छां मिसा मस्तय् शिक्षा व मिसा सशक्तिकरणया निंतिं ज्या याना वयाच्वंगु सेन्ट मेरिज स्कुलया एल्मुनाइ ‘आसमान’ यात २ लाख ५० हजार तकाया चेक लःल्हाःगु खः ।
येँया रणमुक्तेश्वरय् च्वंगु निर्मल प्राथमिक विद्यापिठय् जूगु ज्याझ्वलय् सामसुङ प्लाजापाखें स्कुलया मस्तय्त थीथी सामग्रीया लिसें नसाज्वलं नं लःल्हाःगु खः ।
ज्याझ्वलय् न्ववासें आसमानया अध्यक्ष कमलप्रभा तुलाधरं सामसुङ टिभी, होम एप्लाइन्सं मनूतय्गु जीवनयात सहज यानाः न्ह्यइपुकाबिउ थें मिसामस्तय् शिक्षा व मिसा सशक्तिकरणया निंतिं नं ग्वाहालि यानाः सामसुङं मिस्तय् ख्वालय् न्हिलासु हयाबिउगु खँ धयादिल ।
सामसुङ प्लाजाया निर्देशक सीमा गोल्छां सामसुङ प्लाजाय् मिस्तय्सं जक ज्या याना वयाच्वंगु खँ न्ह्यथँसें न्हापा न्याम्ह मिस्तय्सं सुरु यानागु आः न्यय्म्हं मल्याक मिस्तय्त रोजगार दयेधुंकूगु खँ कनादिल ।
LEAVE YOUR COMMENTS