त्रिशुली जलविद्युत केन्द्रय् मि नयाः क्षति

येँ – त्रिशुली जलविद्युत केन्द्रया उत्पादन गृहय् मंगलवाः मिं नःगु दु । जलविद्युत गृहपाखे ं उत्पादन जुइगु मतयात ट्रान्सफर्मर तक थ्यंकेत छ्यलीगु तारय् जडान यानातःगु बसबारय् मिंनःगु खः । मिंनयाः प्यंगः बसबार पूर्ण रुपं क्षति जूगु दु । जलविद्युत केन्द्रय् मिंनयेवं नुवाकोट न्यंकं मत सीगु खः ।

अन मत आपूर्ति यायेगु निंतिं केन्द्रीय प्रशारण लाइन लिसेस्वायेगु कुतःनं जुयाच्वंगु दु । उत्पादन गृहया प्रमुख तारादत्त भट्टया कथं
मिस्यायेत फायर एक्सटिनगुइसर उपकरण छ्यःगु खःसां उकिंनं मि स्याये मफये वं दमकलया ग्वाहालिं मि स्याःगु खः ।

दमकलं लः छ्वाकूबलय् मेमेगु उपकरणय् नं क्षति जूगु खँ धाःगु दु । नेपाली सेना, प्रहरी, विद्युत गृहया कर्मचारी व स्थानीय वासिन्दा जानाः मि स्याःगु खः । मिं नयाः तःधंगु क्षति जूगु अनुमान यानातःगु दुसा प्राविधिक मुल्यांकन लिपा जक क्षतिया विवरण वइगु खँ धाःगु दु ।

३४ मे गावाट क्षमताया उगु जलविद्युत आयोजनां ३० मेगावाट मत उत्पादन याना वयाच्वंगु खः ।जलविद्युत गृह २०२३ सालंनिसे सञ्चालन जुयाच्वंगु खःसा आःतक नं पूर्ण रुपं सञ्चालन जुयाच्वंगु दु ।