सरकारया थःगु हे अनलाइन शपिङ

येँ – अनलाइन शपिङ व्यापक जुयावनाच्वंगु इलय् सरकारं नं अत्यावश्यक सामान छेँय् छेँय् थ्यंकेगु कथं थःगु हे अनलानइ शपिङया सेवा सुरु याःगु दु ।

उद्योग वाणिज्य तथा आपूर्ति मन्त्रालय अन्तर्गतया खाद्य व्यवस्था व व्यापार कम्पनीं बुधवाः अनलाइनपाखें खाद्यान्न न्यायेगु व डेलिभरीया सेवा सुरु याःगु खः । कम्पनीया कथं जाकि, केँ लगायत कम्पनीया वेबसाइट नेपालफूड डट जीओभी डट एनपीपाखें न्ययेफइगु व्यवस्था दु ।

कम्पनीया कथं अनलाइन अर्डर याःगु सामान निन्हुया दुने उपलब्ध यायेगु खँ धाःगु दु । अथेहे अनलाइनय् न्युनतम २ हजारया न्यायेमाः । आःयात डेलिभरीया सुविधा चक्रपथ दुने जक उपलब्ध जुइसा लकडाउनया ई तक डेलिभरीया शुल्क मकायेगु नं कम्पनीं स्पष्ट याःगु दु ।