विकिनीइ सुहाना !

‘किंग खान’ अर्थात बलिउड नायक शाहरूख खानया छेँजःपिं थ्व इलय् विदा माने यायेत इटालीइ च्वनाच्वंगु दु । खय्तला बलिउडया सेलिब्रिटीत विदा माने यायते विदेश वनीगु छुं न्हूगु खँ मखु । शाहरूख व वया छेँजःपिंसं थःपिं विदा माने यानाच्वनागु किपा सामाजिक संजालय् शेयर नं यानाच्वंगु दु ।

थ्व हे झ्वलय् शाहरूखया म्ह्याय् सुखानाया छपाः किपा सामाजिक संजालय् व्यापक ‘भाइरल’ जुयाच्वंगु दु । गुगु किपाय् सुहाना स्येँ रंगया विकिनीइ खनेदुगु खः । उमेर नं नकतिकि १८ दँ जक दुम्ह सुहानाया उकथंया किपायात कयाः वया प्रशंसकतय्सं ब्यापक आलोचना याःगु दु । सुहानायात कयाः ‘ट्रोल’ नं जुयाच्वंगु दु ।

सुहानाया बिकिनी फोटोयात कयाः ‘ल्वंकेमते कि छ छम्ह मुस्लिम खः । इस्लामय् म्ह ब्वयेगु अनुमति मदु । छंत नरकय् नं थाय् दइमखु ।’, ‘अबुया नां तसकं चर्चाय् हइगु जुल, थज्याःगु किपा ब्वयाः ।’, ‘छं थःगु मखु, छिमि अबुया बेइज्जत यानाच्वंगु दु ।’, ‘पाश्चात्य शैली व संस्कृतिया नक्कल यायेगु बन्द या ।’ धइगु थथे हे थीथीकथंया प्रतिक्रिया बियातःगु दु ।

आखिर विकिनी पुंगु खँय् थपाय्सकं तःधंगु मुद्दा छाय् जुयाबिल धइगु तकं न्ह्यसः दनाच्वंगु दु । पाश्चात्य नसाज्वलं नये जिउ, संकिपा स्वये जिउ, वसः पुने छाय् मजिउ धइगु न्ह्यसःत नं दनाच्वंगु दु ।

सम्बन्धित बुखँ

LEAVE YOUR COMMENTS