
थ्व इलय् दीपिका पादुकोणयात बलिउड संकिया उद्योगया नम्बर १ नायिकाया रुपय् कायेगु याना वयाच्वंगु दु । दीपिकाया सुन्दरता, वयागु अभिनय मययेकीपिं म्हो हे जक दइ । शारीरिक रुपं सुन्दर खने दुसां आपालं निर्माता, निर्देशकं छगू इलय् वयागु शारीरिक बनावटयात कयाः सुझाव बीगु याइगु खः ।
बलिउड फिल्म उद्योगय् स्थापित जुइत आपालं निर्माता निर्देशकं वयागु ‘फिगर’यात कयाः सुझाव बीगु यानाच्वंगु दीपिकां हालसालय् बिउगु छगू अन्तर्वार्ताय् धाःगु दु । उगु इलय् फिल्मया अडिसनया निंतिं वनेगु इलय् यक्वसिनं वयागु वक्षस्थल (दुरुपा)यात कयाः असन्तुष्टि प्वंकीगु दीपिकां अन्तर्वार्ताय् धाःगु दु ।
‘जितः आपालं निर्माता–निर्देशकं बक्षस्थल आकर्षक यायेत, तःधंगु आकारया दयेकेत सुझाव बीगु याइगु खः’ दीपिकां धाःगु दु, ‘यक्व थें फिल्मकःमिपिंसं जितः प्लाष्टिक सर्जरी यायेत सुझाव बीगु खः, तर जितः जिगु फिगरप्रति गर्व दु ।
उकिं जिं अज्याःगु छुं नं मयाना ।’बलिउडया आपालं नायिकातय्सं सर्जरी यानाः बक्षस्थलया आकर्षक दयेकूसां दीपिकां अज्याःगु ज्या धाःसा गबलें मयाः । बरु वं थःगु ‘फिगर मेन्टेन’ यायेत कथिन एक्सरसाइज धाःसा याःगु खः ।
LEAVE YOUR COMMENTS