सिंहदरवार न्ह्यःनेया गाः ल्हाकल

येँ – देय्या प्रमुख प्रशासकीय केन्द्र सिंहदरवार न्ह्यःनेच्वंगु सतकया गाः ल्हाकेगु ज्या जूगु दु । दँ दँ न्ह्यवंनिसें गाः वनाच्वंगु उगु लागाया सतक गाः ल्हाकेगु ज्या जूगु खः ।दर्जनौं सरकारी संस्थाया केन्द्रीय ज्याकू दुगु उगु लागाय् गाः वनाच्वंगु सतक नेपाल टेलिकमया सक्रियताय् ल्हाकेगु ज्या जूगु खः ।

सरकारी संस्थानमध्ये दकलय् अप्वः नाफा मुनेत सफल टेलिकमया न्ह्यःने च्वंगु सतकया दूरावस्थायात कयाः सामाजिक संजालय् टिप्पणी जुइवं टेलिकमं सतकया गाः ल्हाकूगु खः ।भद्रकालीनिसें सिंहदरवार तकया ४६५ मिटर ताःहाकःगु सतकया गाः ल्हाकूसां तसकं वा वइबलय् धाःसा हाकनं पुलांगु हे अवस्था लिहां वइगु सम्भावना नं दयाचवंगु दु ।

उकिं सतकया स्तरोन्नति वा कालोपत्र हे यायेगु निंतिं नं पहल जुयाच्वंगु टेलिकमं न्ह्यथंगु दु ।सतकया थाय्थासय् गाः वनाच्वंगुलिं उगु लँपु जुयाः वयेवने यायेमाःपिं आपालं यात्रु, लँजुवाःलिसें कर्मचारी व सेवाग्राहीत तकं ताःई न्ह्यवंनिसें प्रभावित जुया वयाच्वंगु खः ।

नेपालभाषा टाइम्स

च्वमिया मेमेगु

• वतु त्वालय् दन्त शिविर
• पासा पुचः गुथि लन्दनया न्हूधाः
• ज्यापु समाजया निर्वतमान नायः तीर्थलालया अबु मंत
• ‘मौसम पूर्वानुमानयात गम्भीर रुपं मकाःगुलिं यक्व क्षति जूगु खः’ – वरिष्ठ माैसमविद् मणिरत्न शाक्य
• नखःचखःया दिं कायेत झीगु संस्कृतिया मौलिक परम्परा म्हसीकेमाल