धरहराया ठेक्का रमन जेभीयात

येँ – भुखाचं क्षति जूगु धरहरा पुनर्निर्माणया ठेक्का जिआइइतिसी–रमन जेभीयात लाःगु दु । राष्ट्रिय पुनर्निर्माण प्राधिकरणं आह्वान याःगु ठेक्काया आइतवाः आर्थिक प्रस्ताव चायेकूगु खःसा जिआइइतिसी–रमन जेभीं म्हो दर प्रस्ताव याःगुलिं ठेक्का निश्चित जूगु खः । रमन जेभीं ३ अर्ब ४५ करोड तकां धरहरा पुनर्निर्माणया प्रस्ताव याःगु दु ।

प्राधिकरणया सहसचिव राजुमान मानन्धरया कथं दकलय् म्हो ठेक्का प्रस्ताव याःगु जिआइइतिसी–रमन जेभीया आर्थिक प्रस्ताव अध्ययन जुयाच्वंगु दु । मानन्धरं आशय पत्रया निंतिं न्हय्न्हुया ई बियाः उकिया निवाः लिपा सम्झौता जुइगु जानकारी बियादिल । प्राधिकरणं धरहरा दयेकेगु निंतिं वैशाख ३१ गते टेन्डर आह्वान याःगु खः ।