सांसद ल्यये त्ययेकाः गं पार्टी कचवं

येँ- समानुपातिकपाखेया १३ म्ह सांसद ल्ययेगु झ्वलय् राष्ट्रिय स्वतन्त्र पार्टी दुने असन्तोष ब्वलंगु दु । समानुपातिकया बन्दसूचीइ दुपिं उम्मेदवारपाखे झिंस्वम्ह ल्ययेबलय् पार्टीया विधि, पद्धति, बन्दसूचीया धलः थेंज्याःगु मान्यता हाचां गायेत स्वःगु धासें कार्यकर्तातय्सं म्हिगः पार्टी ज्याकुथी धर्ना बियाः उकथं असन्तुष्टि प्वंकूगु खः ।

धर्नाय् ब्वति काःम्ह सुनसुरी जिल्ला अध्यक्ष लालविक्रम थापां ‘प्राइमरी इलेक्सन’ समानुपातिक पद्धतिं उम्मेदवारया बन्दसूची क्वःछिउगुलिं वहे कथं सांसद ल्ययेमाःगु माग यानादीगु दु ।

धर्ना च्वनेगु झ्वलय् वय्कलं सञ्चारकर्मीतय्त धयादिल, ‘जिमिसं डिजिटल डेमोक्रेसी धकाः म्हिगः सर्गः थ्वयेकागु खः, उगु हे कथं जुइमाः धकाः ध्यानाकर्षण यानागु खः, स्यन धाःसा ला स्यँ हे स्यन नि । आः हे पद्धति बसे यायेमाः धकाः थ्व माग यानागु खः ।’

नेपालभाषा टाइम्स

च्वमिया मेमेगु

• ‘नुगः चफुना’ या म्यूजिक भिडियो पिदन
• नेपालभाषाया न्हूगु श्रृंखला वइगु
• एनपिएल ः जनकपुर व चितवन त्यात
• बौद्धविद्वान प्रजापतिया हना
• प्रधानमन्त्री ओलीया चीन भ्रमण, छुं न्हूगु सम्झौता मजुइगु