भारतीय नेवाःतय् सम्मेलन

येँ – अखिल भारतीय नेवार संगठनं थःपिनिगु नीन्याक्वःगु बुन्हि हंगु दु । वंगु बुधवाः भारतया दार्जिलिङ मिरिकय् उगु दिवस हंगु खः । नेपाःया संस्कृतिविद् गणेशराम लाछि मू पाहां कथं झागु उगु ज्याझ्वलय् भारतीय महकुमा अधिकारी अश्विनी कुमार रोय विशिष्ट पाहां कथं झाःगु खः ।

ज्याझ्वलय् न्ववायेगु झ्वलय् वक्तातय्सं भारतय् च्वंपिं नेवाःत भारतीय नेवाः जूगु धासें थःपिंत आदिवासी जनजातिया धलखय् तयेमाःगु माग याःगु दु । लिसें अन च्वंपिं आपालं नेपाःमित आदिवासी जनजाति जूगुलिं झिंछगू जातियात जनजातिया धलखय् दुथ्याकेमाःगु माग नं ज्याझ्वलय् याःगु दु ।

संगठनया केन्द्रीय सभापति बादशाह प्रधानया अध्यक्षताय् ज्याझ्वलय् ध्वाँय् ब्वयेकेगु, दीप प्रज्वलन याःगु खःसा थीथी कथंया सांस्कृतिक ज्याझ्वः नं न्ह्यब्वःगु खः ।

ज्याझ्वलय् भारतया मिरिक, दार्जिलिङ, खर्साङ, कालिबुङ, सिलगढी, सिक्किम, दिल्ली, आसाम, अरुणाञ्चल प्रदेशया प्रतिनिधिपिंसं ब्वति काःगु खः । ज्याझ्वः याये न्ह्यः ¥याली पिकयाः मिरिक बजाः परिक्रमा याःगु खःसा लाखे प्याखं न्ह्यब्वयेगु ज्या नं जूगु खः ।