स्वयेबहपिं कासामि (ह्यारि केन व ह्याङ मिन सन)

ह्यारि केन, फरवार्ड, इंग्ल्यान्ड
टोटनह्यामया स्ट्राइकर ह्यारि केनयात गोल्डेन बुटया दोवदार धकाः धयातःगु दु । २४ दँ दुम्ह इंग्ल्यान्डया कप्तान केनं प्रिमियर लिगय् धाःसा निक्वः तक गोल्डेन बुट त्याकेधुंकूगु दु । अथेहे टोटनह्यामया निंतिं सछिगुलिं मल्याक अप्वः गोल यायेधुंकूगु दु । अथेहे इंग्ल्यान्डया निंतिं वं आःतक झिंस्वंगू गोल यायेधुंकूगु दु । केनं इंग्ल्यान्डया राष्ट्रिय टिमं सन् २०१६ या युरोपया छनोट चरणं निसें तिनि म्हितूगु खः । केनया राष्ट्रिय टिमय् डेब्यु नं लुमंकेबह हे जूगु खः । भेट्रान कासामि रुनीया थासय् मैदान प्रवेश याःम्ह केनं मैदान दुहां वयाः ८० सेकेन्ड दुने हे गोल याःगु खः । सन् २०१७ य् उत्कृष्ट प्रदर्शन यानाः केन इंग्ल्यान्डया प्लेयर अफ दि इएर नं जूगु खः ।

ह्याङ मिन सन, फरवार्ड, द. कोरिया
सन् २०१५ टोटनह्याम वंम्ह ह्याङ मिन सन एशियाया दकलय् थिकेम्ह कासामि खः । अथे हे सन थःगु क्लबया निंतिं दकलय् अप्वः गोल याःम्ह एसियाली कासामि नं खः ।
दक्षिण कोरियाया विश्वकप यात्रा गन तक थ्यनी व ला छुं ई लिपा तिनि सिइदइ, तर सन अज्याःम्ह कासामि खः, गुम्हेसिया निंतिं झीसं कोरियायागु कासा स्वये हे माः । सनयात वया फ्यानतय्सं सोनाल्डो नं धायेगु याः । सनयात एएफसी एसियन इन्टरनेशनल प्लेयर पाखें सम्मानित नं यायेधुंकूगु ।

सम्बन्धित बुखँ

LEAVE YOUR COMMENTS