‘भार’या डेब्यु

गुबलय् तक अन्तर्राष्ट्रिय फुटबल महासंघ (फिफा) य् सेप ब्लाटर नायः जुयाच्वन, उबलय् तक फुटबलय् प्रविधि गुबलें दुहां मवः । ब्लाटरं धाइगु नं खः, ‘जि दतले फुटबलय् प्रविधि छ्यले खनीमखु ।’ धाथें व दतले अथे मजू, तर गुबलय् व नेतृत्वय् मंत, प्रविधि फुटबलय् दुहां वयां तुं त्वःतल ।

थौंकन्हय् फिफाया नेतृत्वय् जियानी इन्फान्टिनोया ल्हातय् दु, अले जियानी छु वल, फुटबलय् प्रविधि नं दुहां वल ।उकिं हे थुगुसीया विश्वकपय् डेब्यु याइगु जुइ, ‘भार’ प्रविधिं । भार अर्थात भीएआर । अथे धयाःगु भिडियो एसिस्टेन्ट रेफ्री । थुकिया प्रयोग दकलय् न्हापां कन्फेडेरेसनकपय् जूगु खः ।दछि न्ह्यः विश्वकपया तयारीया ल्याखं जुइगु कन्फेडेरेसनकप रुसय् हे जूगु खः ।

कासाया जटिल निर्णय यायेत रेफ्रीं‘भार’या ग्वाहालि काइ ।थुकिया नितिं रेफ्रीया सहायकं भिडियोया ग्वाहालि काइ । ‘भारं’ थःथम्हं तुं निर्णय धाःसा याये खनीमखु, अन्तिम निर्णय रेफ्रीया ल्हातय् हे दइ । थुकिया नितिं हे अफ साइडया निर्णय अःपुकेत भच्र्युयल अफ साइड लाइन नं छ्यलाबुलाय् वइ । नापं थुगुसी नकआउट चरणनिसें प्यम्ह कासामि सब्स्टिच्यूट यायेदइ ।