सन्दीपं स्वंगू विकेट काल

येँ– आइपीएलया आः जुयाच्वंगु कासाय् स्वंगू विकेट कासें सन्दीप लामिछानें मुम्बई इन्डियनयात हीमी चायेकाबिउगु दु । लामिछाने स्वंगू ओभर बलिङ यासें सूर्यकुमार यादव, कुर्नाल पाण्डेय व किरोन पोलार्डया विकेट कायेधुंकूगु दु ।

थौं जुयाच्वंगु कासाय् लामिछानेया टिम दिल्ली डेयरडेविल्सं न्हापां ब्याटिङ यासें प्यंगू विकेटया क्षतिइ १७६ रन दयेकूगु खः । लिसलय् ब्याटिङ याःवःम्ह प्रारम्भिक ब्याट्सम्यान सूर्यकुमार यादवयात १२ रन दयेकूबलय् लामिछानें शंकरया ल्हातं क्याच याकूगु खः । बलिङया सुरुवात याःम्ह लामिछानेया न्हापांगु बलय् हे यादव चौका व निगूगु बलय् छक्का थ्वाःगु खः । तर प्यंगूगु बलय् लामिछानें वयात क्याच आउट याकेबिल ।

अथेहे गंगूगु ओभरय् बलिङ याःवःम्ह लामिछानें थुकी न्हापांगु बलय् हे पोलार्डयात बोल्टया ल्हातं क्याच आउट याकेबिल । थुगु हे ओभरया निगूगु बलय् चौका थ्वाःम्ह कुर्नाल पाण्डेयात नं प्यंगूगु बल थ्यंबलय् टेवाटियाया ल्हातं क्याच आउट याके बिउगु खः ।
मुम्बइया निगू विकेट धाःसा मिश्रां काःगु खः ।

सम्बन्धित बुखँ

LEAVE YOUR COMMENTS