बायर्न अपुक त्यात

बर्लिन (एजेन्सी) – रोबर्टो लेवनडोस्कीं या:गु थ्व सिजनया व्यक्तिगत २६ औं लिग गोलया ग्वाहालिं बायर्न म्युनिखं आइतवा: युनियन बर्लिनयात २–० बुकूगु दु । बुंडेसलिगाय् बायर्नं लिग कासा म्हितूगु थ्व निला: लिपा न्हापांगु ख: । उगु कासाय् लेवनडोस्कीं पेनाल्टीपाखें न्हापांगु गोल यायेवं बेन्जमिन पाभरेडं निगूगु गोल यात । शनिवा: तिनि कोरोना भाइरस संक्रमणमा महामारीदथुइ बुंडेसलिगा हाकनं सुरु जूगु ख: । थ्व जित लिपा बायर्न हाकनं लिगय् प्यंगु ल्या:या अग्रतायात कायम या:गु दु । वया ५८ ल्या: दु । थ्वयां न्हय: निगूगु थासय् च्वंगु बोर्सिया डर्टमन्डं साल्का ०४ यात बुका बायर्नयात दबाब ब्यूगु ख: । आइतवा: हे कोल्न व मेन्ज ०५ दथइ जूगु कासा २–२ या बराबरीइ क्वचाल ।