सत्यमोहन जोशी ९९ दँ क्यन

येँ – वाङमय शताब्दी पुरुष सत्यमोहन जोशी बुधवाः गुइगुदँ (९९ दँ) क्यंगु दु । लोकसाहित्य परिषद् नेपालभाषा ब्वँमि पुचल‌ वय्कःया बुन्हि वय्कःया हे छेँ बखुंबहालय् परम्परागत कथं ख्येँ सगं बियाः हंगु दु । बुन्हि हना ज्याझ्वलय् यल महानगरपालिकाया मेयर चिरिबाबु महर्जन, उपमेयर गीता सत्याल, यल मनपा १२ वडाया वडाध्यक्ष नारायण लाल अवाले, राष्ट्रिय म्युजियम छाउनीया निर्देशक जयराम श्रेष्ठ, वरिष्ठ मूर्तिकार राजेश अवाले, वरिष्ठ चित्रकार लोक चित्रकार, नेपालभाषा केन्द्रीय विभागया पुलांम्ह प्रमुख तुलसीलाल सिंह लिसें थीथी व्यक्तित्वपिनि सहभागिता दुगु खः ।

वय्कःयात लोकसाहित्य परिषदया नायः मय्जु प्रेमशान्ति तुलाधरं ख्येँ सगं बियादीगु खः ।

तिथि कथ‌ वयकःया बुन्हि थाै‌ खःसा वैशाख ३० गते यल महानगरपालिका‌ विशेष ज्याझ्वः यानाः वयकःया ९९ दँ बुन्हि हनेत्य‌गु दु ।

सम्बन्धित बुखँ

LEAVE YOUR COMMENTS