न्युजिल्याण्डय् न्हूगु पुस्तायात चुरोटय् प्रतिबन्ध

एजेन्सी- न्यूजिल्याण्डं न्हूगु पुस्तायात धुम्रपानपाखें तापाकेगु निंतिं सूर्तीजन्य पदार्थ व चुरोटय् प्रतिबन्ध तइगु जूगु दु । न्हूगु नियमकथं सन् २००८ लिपा बूपिं सुनां नं चुरोट वा सुर्तीजन्य पदार्थ जीवनभर न्याये दइमखु । बिहिवाः न्यूजिल्याण्डया स्वास्थ्य मन्त्रालयं धुम्रपानय् कडाइ यायेगु घोषणा नं याःगु दु । थ्व नियम मेगु दँनिसें लागु जुइगु बिबिसीं जानकारी बिउगु दु ।

न्यूजिल्याण्डया स्वास्थ्य मन्त्रालयं बिउगु जानकारीकथं चुरोट न्याये मिइगुलिइ कडाइ याइगु जुइ । थांैकन्हय् च्याद्वः थासय् मियावयाच्वंगु चुरोट आः न्यासःगू थासय् जक मिइ दइसा सुपरमार्केट व कर्नर स्टोरय् चुरोट मि दइमखु । न्यूजिल्याण्डया स्वास्थ्य मन्त्रीं न्हूगु पुस्तां धुम्रपान गबलें मयायेमाः धयागु सुनिश्चित यायेगु धाःगु दु ।

न्यूजिल्याण्डय् सन् २०२५ तकया दुने धुम्रपान दर ५ प्रतिशतय् हयेगु व अन्तय् निर्मूल यानाछ्वयेगु ग्वसाः दु । थांैकन्हय् न्यूजिल्याण्डया धुम्रपान दर १३ प्रतिशत दु ।

सम्बन्धित बुखँ

LEAVE YOUR COMMENTS