युक्रेनी आक्रमण विफल यानागु दावी

मस्को – रुसी सेनां युक्रेनं याःगु आक्रमण लगातार विफल याना वया च्वनागु दावी याःगु दु । लिपांगु इलय् सेवास्तोपोल सहरय् युक्रेनी सेनां याःगु आक्रमण विफल याना वयाच्वनागु दावी रुसी सेनां याःगु खः ।

सेवास्तोपोल सहरया गभर्नर मिखाइल राजभोजायेभं युक्रेनी याःगु प्यंगः युएभी नांया क्षेप्यास्त्र नष्ट यानागु धाःगु दु । गभर्नर राजभोजायेभं सेवास्तोपोल सहरय् युक्रेनी सेनां लगातार आक्रमण याना वयाच्वंगु व उकियात थःपिनि सेनां नं उकथं हे आक्रमणयात निस्तेज याना वयाच्वंगु दु ।

राजभोजायेभं हवाई सुरक्षा प्रणाली व मोबाइल फायर ग्रुपत सक्रिय यानाः युक्रेनया आक्रमण असफल याना वयाच्वनागु धाःगु दु । अथे हे बालाक्लाभा जिल्लाय् नं प्यंगः युएभीयात कुर्कागु धाःगु दुसा थ्व स्वयां न्ह्यः उगु सहरय्े एअर रेड अलर्टया घोषणा याःगु खः ।