ने. सं. ११४६ दिल्लाथ्व षष्ठी -

गोली कयेकाः लागु वासः कारोवारी ज्वन

येँ (नेपालभाषा टाइम्स) – प्रहरीं येँया टेकुइ गोलीं कयेकाः स्वम्ह लागू वासः कारोबार याइपिंत ज्वंगु दु । लागू वासः नियन्त्रण ब्युरो कोटेश्वरया एसएसपी सुवासचन्द बोहराया कथं उमिगु पाखें २४ हजार ७ सय टेपेन्डाडोल क्याप्सुल बरामद याःगु दु । टेकुया तां क्वय् प्रहरीं गोली कयेकाः न्हापां निम्हेसित ज्वंगु खःसा लिपा छम्हेसित ज्वंगु खः । ज्वंपिं भारतीय नागरिक राज सोनी, नेपाःया निखिल सोनी व शोफिया मगु जूगु खँ प्रहरीं धाःगु दु । भारतं हःगु लागू वासः मीत्यंगु सुचंया आधारय् ब्युरोया पुचलं उमित नियन्त्रणय् कायेत्यंगु इलय् प्रहरीयात हे आक्रमण यायेवं गोलिं कयेकाः ज्वंगु खः ।