युद्ध तच्वयेवं कच्चा चिकंया भाः थहां वन

एजेन्सी – अमेरिका व इरान दथुइ सैन्य तनाव तच्वया वनाच्वंगु दु । निगू देय्या तच्वया वनाच्वंगु सैन्य तनावया कारणं अन्तर्राष्ट्रिय बजारय् कच्चा चिकंया भाः नं थहां वंगु दु ।

अन्तर्राष्ट्रिय समाचार एजेन्सीयाकथं अमेरिका व इरान दथुइ अप्वया वनाच्वंगु सैन्य तनावया कारणं अन्तर्राष्ट्रिय बजारय् कच्चा चिकंया भाः वंगु लछि थुखेया हे दकलय् उच्च विन्दुइ थ्यंगु दु ।

लिपांगु इलय् अमेरिका व इरान दथुइ सैन्य तनाव अप्वया वनाच्वंगु छवालं मयायेधुंकल । सैन्य तनाव तच्वया वनेवं व्यापारिक रणनीतिया ल्याखं महत्वपूर्ण होर्मुज जलमार्गय् प्रभाव लाये फइगु व थुकिं विश्वया निंतिं जुइगु चिकंया ढुवानी व आपूर्तिइ प्रभाव लाइगु आशंका जुयाच्वंगु इलय् कच्चा चिकंया भाः थहां वंगु खः ।

अन्तर्राष्ट्रिय मापदण्डा ‘ब्रेन्ट’ कच्चा चिकं व अमेरिकी मापदण्ड ‘बेस्ट टेक्सास इन्टरमिडिएट’ निगुलिंया भाः वंगु वालय् ४ प्रतिशतं थहां वंगु खः । ब्रेन्ट कच्चा चिकंया भाः थहां वनाः प्रति ब्यारेल ९१ अमेरिकी डलर थ्यंगु दुसा थ्व जुन ११ लिपा आतकया हे दकलय् उच्च विन्दु खः ।

थ्व हे झ्वलय् मध्यपूर्व युद्धया सम्भावित प्रभावया मूल्यांकन यानाच्वंगु लगानीकर्ताया कारणं एसियाली शेयर बजारय् मिश्रित कारोबार जूगु दु ।