ने. सं. ११४६ दिल्लाथ्व तृतीया -

पौडेलयात साधारण तारेखय् त्वःतेत आदेश

येँ (नेपालभाषा टाइम्स) – विशेष अदालतं पुलांम्ह अर्थमन्त्री विष्णु पौडेलयात साधारण तारेखय् त्वःतेत आदेश बिउगु दु । अदालतया दुजःपिं नारायणप्रसाद पौडेल, डिल्लीरत्न श्रेष्ठ व विदुर कोइरालाया इजलासं स्वंगू आधार क्यनाः पौडेलयात कुनाः वा धरौटी कयाः मुद्दा न्ह्याकेमाःगु आवश्यक मदुगु निष्कर्ष पिकाःगु खः । अदालतं विष्णु पौडेलया संलग्नता तत्काल चूलाःगु प्रमाणं खुले मजूगु, द्वपंयात कयाः इन्कारी बयान बिउगु व दिपक भट्टलिसे वय्कलं वित्तिय कारोबार याःगु अले सम्पत्ति वा लाभ काःगु खनेमदुगु धासें विशेष अदालतं समाधारण तारेखय् त्वःतेत आदेश बिउगु खः ।