जोर्डनं १० करोड डलर ग्वाहाली याइगु

न्युयोर्क (एजेन्सी) – माइकल जोर्डनं अमेरिकाय् समाजिक न्याय व समानताया नितिं ल्वाना च्वंपिनिया नितिं १० करोड डलर ग्वाहालि यायेगु शुक्रवा: घोषणा या:गु दु । एनबीए लेजेन्ड व वया ब्रान्डं पिका:गु प्रेस विज्ञप्ती कथं थ्व १० करोड डलर वइगु १० दँ दुने इनिगु जुइ । रंगभेदी व्यवहारविरुद्ध सामाजिक न्याय व समानताया नितिं ल्वाना च्वंगु संस्था थ्व ध्यवा: काये खनि । कासा ख्य:या गैर नाफामुलक संस्थातय्स घोषणा या:गु थ्व आ: तकया हे दकलय् त:धंगु ग्वाहालि ध्यवा: ख: । अमेरिकाय् प्रहरी नियन्त्रणय् अश्वेत जर्ज फ्लोयडमा मृत्यु जुइवं जोर्डनया थ्व घोषणा व:गु ख: ।