इरानलिसेया सम्झौता सिधल : ट्रम्प
ाअंकारा – अमेरिकी राष्ट्रपति डोनाल्ड ट्रम्पं इरानलिसे जूगु शान्ति सम्झौता सिधःगु धाःगु दु । अमेरिकी राष्ट्रपति ट्रम्पं इरानलिसे जूगु शान्ति सम्बन्धी सम्झौता (एमओयु) आः क्वचाःगु थःत विश्वास लगे जूगु धाःगु खः ।
टर्कीया अंकाराय् उत्तर एट्लान्टिक सन्धि संगठन (नाटो) शिखर सम्मेलनय् नवासें ट्रम्पं धाःगु दु, ‘आः इपिं (इरान) लिसे वार्ता यायेगु धइगु ईयात सितिं छ्वये गु जक खः ।’
सम्मेलनय् नवासें ट्रम्पं स्ट्रेट अफ होर्मुजय् इरानं व्यावासायिक जहाजयात निसाना दये काः युद्धविराम हाचां गाःगु द्वपं नं बिउगु दु । लिसें इरानयात ‘धोखे बाज कासामि’ या संज्ञा बिसें कडा आलो चना नं याःगु खः ।
आः इरानलिसे कूटनीतिक वार्ताय् तक्यना च्वनेगु पलेसा थःपिनिगु प्राथमिकताय् ध्यान केन्द्रीत याये माःगु दु धासें ट्रम्पं इरानयात ‘दुष्ट व विकृत मानसिकताया सोच दुपिं मनूतय्गु शासन’ धासें आलोचना याःगु खः । ट्रम्पया लिपांगु अभिव्यक्तियात वाशिंगटन व तेहरानया स्वापू थप तनावपूर्ण जुया वनाच्वंगुया संकेतया रुपय् काःगु दु ।
थुखे इरानया विदेशमन्त्री अब्बास आराघचीं अमेरिकां सम्झौता हाचांगाःगु द्वपं बिउगु दु । विदेशमन्त्री आराघचीं अमेरिकां याःगु आक्रमण, इरानी चिकं मीगुलिइ हाकनं तःगु प्रतिबन्ध, लेबनानय् हिजबुल्लाह पुचःलिसे जारी इजरायलया तनाव थेंज्याःगु विषयं सम्झौताया आधारभूत हिस्सायात निष्प्रभावी याःगु दावी नं आराघचीं याःगु दु ।
थ्व हे झ्वलय् मेगु छगू समाचार कथं राष्ट्रपति ट्रम्पं अमेरिका व इरान दथुइ युद्धविराम क्वचाःगु घोषणा याःगु छुं ई लिपा हे मध्यपूर्वय् हाकनं तनाव ब्वलंगु दुसा निगुलिं देशं सैन्य आक्रमण नं याःगु दु ।
अमेरिकी सेनाया केन्द्रीय कमान्ड सेन्टकमं मंगलवाः अमेरिकी सेनां इरानया ८० गू स्वयां अप्वः सैन्य लक्ष्यय् आक्रमण याःगु धाःगु दु । अमेरिकी आक्रमणया लिसलय् इरानं बहराइन व कुवेतय् च्वंगु अमेरिकी सैन्य शिविरयात निशाना दयेकाः आक्रमण याःगु दु । इरानी अधिकारीतय्सं अमेरिकी आक्रमणयात युद्धविरामया गम्भिर उल्लंघन जूगु धासें उकिया प्रतिकार याये कथं थःपिंसं आक्रमण यानागु दावी याःगु दु ।
LEAVE YOUR COMMENTS