इजरायलय् भ्रम चीकेत सफल

येँ – समुद्र सतक स्वयां दकलय् तजाःगु थाय् सगरमाथा नेपालय् । अले समुद्र सतह स्वयां नं दकलय् क्वय् लाःगु थाय् मृत्त सागर (डेड सी) इजरायलय् । नेपाः व इजरायलया स्वापू बारे खँ कनीबलय् थथे यानाः नं कनी । तर दुःखया खँ, इजरायलया डेड सी लागाय् तयातःगु भौगोलिक उचाइ सम्बन्धी बोर्डय् धाःसा सगरमाथा हे चीनय् लाः धकाः च्वयातःगु जुयाच्वन ।

छुं ई न्ह्यः तिनि इजरायलया लागिं नेपाली राजदूत जुयाः उखे झाःम्ह डा. अन्जान शाक्यं आः उकियात हीके बिया–दीगु दु । डेड सीया सिथय् ब्वयातःगु बोर्डय् सगरमाथा चीनय् लाः धासें चीनया हे ध्वाँय् तयातःगु बोर्ड खनेवं राजदूत शाक्यं कुट–नीतिक पहल यासें इजरायल सरकारया थ्व भ्रम चीकेगु लिसें अन तयातःगु बोर्ड समेत हीके बियादीगु खः ।

आः डेड सी चाःहिउ वनीपिं पर्यटकतय्सं अन चीन मखु नेपाःया हे नां व ध्वाँय् स्वये खनीगु जूगु दु । राजदूत शाक्यं नेपाः–इजरायल दथुइ थीथी विषयय् सम्झौताया नं तयारी यानादीगु दु ।

सम्बन्धित बुखँ

LEAVE YOUR COMMENTS