नेवाः पुचः कतारय् जमुना मानन्धर अध्यक्ष
येँ (नेपालभाषा टाइम्स)- ‘थःगु म्हसीकाया निंतिं नेवाः एकता, भाषा भेषभुषा व संस्कृतकिया संरक्षण थौंया आवश्यकता” धयागु मू नारा ज्वनाः सन् २०११ य् पलिस्था याःगु नेवाः पुचः कतारया प्यक्वःगु तःमुँज्या तःजिक क्वचाल । लिसें उगु तःमुँज्यां न्हूगु ज्यासना पुचःया अध्यक्षय् ख्वपया जमुना मानन्धर (श्रेष्ठ)यात सर्वसम्मतं ल्यःगु दु ।
अथेहे वरिष्ठ उपाध्यक्ष कैलाश श्रेष्ठ, उपाध्यक्षद्वय लक्ष्मण श्रेष्ठ व सृष्टी श्रेष्ठ (सम्रिन), महासचिव विकास श्रेष्ठ, सचिव ओमकुमार श्रेष्ठ व रबिन कर्मचार्य, कोषाध्यक्ष अशोक श्रेष्ठ, सहकोषाध्यक्ष पर्शुराम श्रेष्ठयात ल्यःगु दुसा कार्यसमितिया दुजलय् निरु श्रेष्ठ, सरिता श्रेष्ठ, अस्मिता महर्जन, अञ्जना श्रेष्ठ, राम सुन्दर श्रेष्ठ, समीर श्रेष्ठ, रामहरि श्रेष्ठ, देवनारायण नगरकोटी, गंगाप्रसाद श्रेष्ठ, विकास नानिचा श्रेष्ठ व सुवर्णकुबेर श्रेष्ठपिंत सर्वसम्मतं ल्यःगु दु ।
दोहाया सनैयाया प्लाजामलस्थति लालीगुराँस रेष्टुरेन्टया सभाहलय् नेवाः पुचः कतारया अध्यक्ष राजु महर्जनया सभापतित्व जूगु ज्याझ्वलय् नेपाल आदिवासी जनजाति महासंघ कतारया अध्यक्ष डीएन मगरया मूपाहांकथं झायादीगु खः । ज्याझ्वलय् पुचःया वरष्ठि उपाध्यक्ष राकेश श्रेष्ठं लसकुस यानादीगु खःसा नेपाल आदिवासी जनजाति महासंघया मातहतय् च्वंगु मातृ संस्थातय् प्रमुखपिं, प्रतिनिधिपिं व मेमेगु संस्थाया प्रमुख, सामाजिक व्यक्तत्विपिंसं भिंतुनालिसें नेवाः पुचः कतारया बारे थःपिनि नुगः खँ तयादीगु खः ।
ज्याझ्वलय् मूपाहां मगरं नेपालय् दकलय् न्हापा नेवाःतय्सं हे संस्था पलिस्था याःगु व कतारय् नं नेवाः पुचः पलिस्था यानाः थःपिनिगु संस्कार संस्कृतिया संरक्षण व प्रवद्र्धनयात निरन्तर न्ह्यःने न्ह्याकायंकूगु खनाःथःत तसकं लय्तागु खँ कनादिल ।
LEAVE YOUR COMMENTS