जनता समाजवादी पार्टी निर्वाचन आयोगय् दर्ता

येँ – बुधवाः बहनी निगू पार्टी एकता जुयाः नीस्वंगु जनता समाजवादी पार्टी, नेपाल निर्वाचन आयोगय् दार्ता जूगु दु ।

जनता समाजवादी पार्टीया शीर्ष नेतात वनाः न्हूगु पार्टीया निर्वाचन आयोगय् दर्ता याकूगु खः । निर्वाचन आयोगय् दर्ता जूगु जनता समाजवादी पार्टीया दर्ता नम्बर १३८८ खः । समाजवादी पार्टी व राष्ट्रिय जनता पार्टी बुधवाः बहनी एकीकरण जूगु खः ।

कान्तिपथय् च्वंगु निर्वाचन आयोगय् उपेन्द्र यादव, राजेन्द्र महतो, शरदसिंह भण्डारी, राजेन्द्र श्रेष्ठ लगायतया नेता थ्यंकादीगु खः । दर्ता लिपा नेता राजेन्द्र महतों आः पार्टी विभाजन मखु एकीकृत जुइगु धयादिसें एकीकरणया ल्यँ दुगु ज्या लकडाउन लिपा जुइगु जानकारी बियादिल ।