
येँ (नेपालभाषा टाइम्स)÷ नीछक्वःगु ज्यापु दिवस व २०८१ सालया मोहनिया लसताय् वतु नाथेश्वर मिसा पुचःया ग्वसालय् निशुल्क दन्त शिबिर जुल । वंगु शनिवाः वतु त्वालय् जूगु थुगु ज्याझ्वलय् स्माइल फस्र्ट डेन्टल क्लिनकपाखें डा. लिजा श्रेष्ठ, डा. मिना महर्जन व वय्कःपिनि पुचलं चिकित्सकीय ग्वाहालि यानादीगु खः ।
वतु त्वाःया गुरु राम महर्जनया चेक जाँच यानाः शुरु जूगु ज्याझ्वलय् वतु त्वाःया जः व वतु त्वाःया वरिष्ठ व्यक्तिपिंसं ब्वति कयादीगु खः । दन्त शिबिरय् सछि व न्याम्हेसिनं चेकजाँच याकूगु खँ पुचःया अध्यक्ष मिना महर्जनं कनादिल । ज्याझ्वलय् ग्वाहालि यानादीपिं चिकित्सक पुचःया मतिनाया चिं लःल्हाःगु खः ।
LEAVE YOUR COMMENTS